U paniadziełak u druhoj pałovie dnia ŭ handlovym pasažy na vulicy Varšaŭskaj u Biełastoku adbyŭsia vybuch. Pavodle nieaficyjnaj infarmacyi, vybuchovaje prystasavańnie było zroblenaje ź fiejervierkaŭ i kabielaŭ. Nichto, na ščaście, nie paciarpieŭ, piša Polskaje radyjo.
Vybuch adbyŭsia ŭ adnym z składckich pamiaškańniaŭ pasažu. Vybuchovaje prystasavańnie, chutčej za ŭsio, było pryviedzienaje ŭ dziejańnie dystancyjna.
Vybuch pačuŭ administracyjny rabotnik. Mužčyna ŭ adnym z pamiaškańniaŭ znajšoŭ butelku, imavierna, z haručaj vadkaściu i kabieli.
«Na dadzieny momant my možam kazać ab prymityŭnym vybuchovym prystasavańni, u vybuchu jakoha na ščaście nichto nie paciarpieŭ», - kaža pres-sakratar Vajavodskaj kamiendatury palicyi Tamaš Krupa.
Vybuch nie pryvioŭ da ŭźniknieńnia pažaru. Na miescy incydentu pracujuć śledčyja.
