15 žniŭnia byŭ padpisany i nakiravany ŭ Administracyju prezidenta sumiesny zvarot Biskupaŭ Jevanhielskich Abjadnańniaŭ cerkvaŭ Biełarusi da prezidenta ab pazicyi i staŭleńni jevanhielskich chryścijanaŭ da pačaščeńnia, na ich dumku, faktaŭ prapahandy ŁHBT-kultury ŭ biełaruskim hramadstvie i siarod moładzi. Pra heta paviedamlaje gospel.by.

Zvarot padpisali biskup Abjadnanaj carkvy chryścijan viery jevanhielski Siarhiej Cvor, biskup Sajuzu jevanhielskich chryścijan-baptystaŭ Leanid Michovič, biskup Abjadnańnia abščyn chryścijan poŭnaha Jevanhiella Leanid Varanienka i biskup Cerkvaŭ chryścijan-advientystaŭ siomaha dnia Viačasłaŭ Bučnieŭ.

Zvarot taksama ŭtrymlivaje ŭ sabie padtrymku prapanovy pryniaćcia Zakona ab zabaronie ŁHBT-prapahandy siarod dziaciej, padletkaŭ i moładzi.

«My prapanujem razhledzieć pytańnie pryniaćcia zakona ab zabaronie prapahandy homasieksualizmu i inšych formaŭ nietradycyjnych sieksualnych pavodzinaŭ, pierš za ŭsio siarod niepaŭnaletnich, vyznačajučy siamju jak zakonny sajuz adnaho mužčyny i adnoj žančyny z narodžanymi dziećmi i dziećmi pad apiekaj. Źjaŭleńnie Zakona ab zabaronie prapahandy homasieksualizmu i inšych formaŭ nietradycyjnych sieksualnych pavodzinaŭ daść mahčymaść nie dapuskać prapahandy i naviazvańnia sieksualnaj razbeščanaści ŭ hramadstvie, asabliva siarod dziaciej i moładzi, a taksama abaronić prava baćkoŭ na vychavańnie dziaciej u maralna zdarovym asiarodździ», — havorycca ŭ zvarocie.

Biskupy ŭpeŭnienyja, što pazicyja jevanhielskich viernikaŭ krainy, jakich u Biełarusi naličvajecca bolš za 1200 abščyn, budzie pryniataja da ŭvahi kiraŭnictvam dziaržavy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?