Pasoł Kazachstana ŭ Biełarusi Jermuchamiet Ertysbajeŭ. Fota mfa.kz
Novy pasoł Kazachstana ŭ Biełarusi Jermuchamiet Ertysbajeŭ zajaviŭ, što jahonaja kraina hatovaja pastaŭlać u Biełaruś stolki nafty, kolki patrebna biełarusam. Adkazvajučy na pytańnie Radyjo Svaboda pra mahčymaść naftavych pastavak, dypłamat zajaviŭ nastupnaje.
«U nas nafty chapaje. I my hatovyja pastaŭlać jaje ŭ Biełaruś choć zaŭtra. Adzinaja pieraškoda — pamiž našymi krainami vielizarnaja rasijskaja tranzitnaja prastora», — skazaŭ Jermuchamiet Ertysbajeŭ.
Pasoł udakładniŭ, što Kazachstan z dapamohaj Złučanych Štataŭ madernizavaŭ svaju naftavuju halinu, za košt hetaha kraina maje prykładna 70-80 miljardaŭ dalaraŭ naftavych hrošaj, jakija znachodziacca ŭ dziaržaŭnym reziervie.
