Sajt haziety Administracyi prezidenta sb.by paviedamlaje, što 6 vieraśnia ŭ mesendžary «Telehram» źjavicca novy nabor stykieraŭ ad Biełaruskaha respublikanskaha sajuza moładzi. Vychad stykieraŭ prymierkavany da 16-hodździa BRSM.
Hierojami stykieraŭ stali junaki Vital i Alesia. Vital — bajec moładzievaha adździeła achovy pravaparadku i studatradaviec. Alesia — tusoŭščyca, jakaja katajecca na rolikach i adryvajecca na dyskatekach. Ahułam budzie 20 stykieraŭ.
Karystalniki sacyjalnych sietak zaŭvažyli, što na adnym sa stykieraŭ chłopiec u kascy i z podpisam «Pracujem» dziŭnym čynam vielmi nahadvaje małodšaha syna kiraŭnika krainy — Mikałaja Łukašenku.
Raniej BRSM vypuskaŭ stykiery na temu vyšyvanki. Vital i Alesia taksama apranutyja ŭ adzieńnie z nacyjanalnym arnamientam.