Alaksandr Łukašenka byŭ prainfarmavany ab kandydaturach na pasadu novaha pasła Biełarusi ŭ Rasii. Ab hetym pa vynikach sustrečy z kiraŭnikom dziaržavy raskazaŭ žurnalistam ministr zamiežnych spraŭ Uładzimir Makiej, piša BiełTA.
«Prezidentu vykładzieny prapanovy pa niekatorych kandydaturach na pasadu pasła Biełarusi ŭ Rasii. Niejkija kandydatury prezident acaniŭ stanoŭča. Ale razam z tym daručyŭ dadatkova padumać nad inšymi varyjantami», — skazaŭ ministr.
Papiaredni pasoł u Rasii Ihar Pietryšenka niadaŭna byŭ pryznačany na pasadu vice-premjera.
Čakajecca taksama pryjezd u Biełaruś novaha pasła Rasiei Michaiła Babiča. Akramia hetaj pasady, jon pryznačany i śpiecpradstaŭnikom prezidenta Rasii pa raźvićci handlova-ekanamičnaha supracoŭnictva ź Biełaruśsiu. «Data była abvieščanaja, pa-mojmu, pasłom Surykavym, što jon (Michaił Babič) płanuje prybyć siudy dzieści ŭ pačatku vieraśnia», — adznačyŭ Uładzimir Makiej.
