Lidar Paŭnočnaj Karei Kim Čen Yn źnik z publičnaj prastory na fonie «tupika» u pieramovach ab denuklearyzacyi Karejskaha paŭvostrava z Vašynhtonam. Pra heta paviedamiła paŭdniovakarejskaja hazieta The Chosun Ilbo.
Dziaržaŭnyja ŚMI KNDR nie publikujuć materyjały pra dziejnaść Kima z 20 žniŭnia. Tady jon prysutničaŭ na pachavańni byłoha ministra narodnych uzbrojenych sił KNDR Kim Jon Čchuna.
Da taho Kim pryniaŭ udzieł u vialikaj kolkaści publičnych mierapryjemstvaŭ, naviedvajučy fabryki i fiermy pa ŭsioj krainie. Heta navodzić na dumku, adznačaje vydańnie, Kim źnik u toj čas, jak mižnarodnaja supolnaść vyrašyła znoŭ «zakrucić hajki».
Adnak, nie vyklučaje hazieta, mahčyma Kim prosta vyrašyŭ adpačyć.
