Rasijski telehram-kanał «Niezyhar», jaki apošnim časam staŭ šmat uvahi nadavać biełaruskaj tematycy, čarhovy raz sieŭ u łužynu.
Siarhiej Rumas. Fota mogilev.online.
Pad krytyku na hety raz trapiŭ premjer-ministr Biełarusi Siarhiej Rumas, jakoha abvinavačvajuć u tym, što pad kryłom Biełaruskaj fiederacyi futboła jon stvaraje «bajavyja atrady, hatovyja zmahacca z rasijskaj ahresijaj».
«Premjer Biełarusi Rumas čyścić biełaruski Kabmin [u Biełarusi niama Kabmina, a jość Saŭmin — «NN»] ad ruskaj movy. Pieršaja pastanova premjera Biełarusi vyjšła na biełaruskaj movie. Raniej takoje adbyvałasia tolki ŭ vypadku z ukazami niejak źviazanymi z nacyjanalnaj kulturaj. U Biełarusi movu vykarystoŭvajuć maksimum niekalki tysiač nacyjanalistaŭ, bolšaść ź jakich atrymlivajuć hranty i kantaktujuć z amierykanskim, brytanskim, polskim, češskim i inšymi pasolstvami», — napisaŭ «Niazyhar».
Pres-sakratar Siarhieja Rumasa Uładzisłaŭ Syčevič pacvierdziŭ, što pieršaja pastanova novaha premjer-ministra była sapraŭdy na biełaruskaj movie. «Tak, heta pastanova №611 ad 19 žniŭnia «Ab vyzvaleńni ad pasad niekatorych słužbovych asobaŭ», — skazaŭ Syčevič.
Adnak varta adznačyć, što pastanovy ab vyzvaleńni z pasad, a taksama ab pryznačeńniach zaŭždy publikavalisia pa-biełarusku. Takaja praktyka była i za Sidorskim, i za Miaśnikovičam, i za Kabiakovym. «Niezyhar» pasprabavaŭ zrabić čarhovuju siensacyju, ale atrymaŭsia jašče adzin fejk.
Advolny skrynšot z sajta pravo.by.
