Vioska Vuhlany Kamianieckaha rajona. 

Vioska Vuhlany Kamianieckaha rajona. 

U biełaruskich vioskach bolš za 30 tys. damoŭ pryznanyja struchniełymi i zvyš za 10 tys. — kinutymi. Ci źjaviacca na hetych nadziełach haspadary? Vyrašeńniu hetaha pytańnia budzie spryjać novy ŭkaz.

Ciapier skarociacca vydatki pry prodažy hetaj nieruchomaści, pamienšycca papiarovy dakumientaabarot, raspaviali BIEŁTA ŭ Dziaržaŭnym kamitecie pa majomaści.

Pramy prodaž

Novy ŭkaz raspaŭsiudžvaje svajo dziejańnie na ŭsiu terytoryju Biełarusi, a nie tolki na sielskuju miascovaść, jak heta praduhledžvaŭ papiaredni ŭkaz №100, jaki straciŭ siłu. Prapanovy pa prodažy abjektaŭ buduć publikavacca na sajtach miascovych vykankamaŭ.

Kali na praciahu 30 dzion zajavu na kuplu padaść tolki adzin čałaviek, ź im budzie zaklučany dahavor kupli-prodažu. Pry pastupleńni niekalkich zajaŭ praduhledžana praviadzieńnie aŭkcyjonu.

Pry hetym mahčymaść pramoha prodažu ŭvodzicca na ŭsioj terytoryi krainy, za vyklučeńniem abłasnych centraŭ i Minska.

Ziamielny nadzieł u abmien na znos

Upieršyniu ŭ hramadzian źjaviłasia mahčymaść atrymać ziamielny nadzieł, nie vykuplajučy kinuty abo truchlavy dom, na jakim jon staić. Ale heta pry ŭmovie samastojnaha znosu takoha doma albo finansavańnia takich prac.

Učastak možna atrymać biez praviadzieńnia aŭkcyjonu na ŭsioj terytoryi krainy, za vyklučeńniem abłasnych centraŭ. U takich haradach ŭčastki mohuć być nabyty biez aŭkcyjonu tolki hramadzianami, jakija stajać na ŭliku dla palapšeńnia žyllovych umoŭ, u Minsku — tolki šmatdzietnymi siemjami, jakija stajać na ŭliku.

U jakim vypadku dom pryznajecca kinutym abo truchlavym

Śpiecyjalnyja kamisii pry miascovych vykankamach buduć dvojčy ŭ hod ahladać nieruchomaść.

Nie buduć pryznavacca kinutymi damy, u jakich asoby, jakija majuć prava vałodańnia i karystańnia imi, pražyvali na praciahu apošnich troch hadoŭ choć by adzin dzień. Pustujučyja damy buduć vyznačać kamisii pry vizualnym ahladzie. Budzie taksama praviaracca najaŭnaść apłaty kamunalnych płaciažoŭ, raschodu elektraenierhii.

Pavodle novaha zakanadaŭstva, kamisii buduć pracavać tolki z avaryjnymi i blizkimi da abvalvańnia damami.

Minimalnyja terminy adnaŭleńnia abo znosu damoŭ padaŭžajucca da hoda. Pry hetym kali va ŭłaśnika byli pavažlivyja pryčyny, jakija pieraškadžali adnavić avaryjny dom, to pra ich možna paviedamić u vykankam, i hety termin moža być praciahnuty.

Abarona intaresaŭ ułaśnikaŭ

U novym ukazie prapisany miechanizm mahčymaha viartańnia ŭłaśniku pustoha truchlavaha žyłoha doma, užo pieradadzienaha ŭ kamunalnuju ŭłasnaść, abo vypłaty hrošaj, vyručanych ad prodažu doma.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?