Urad Aŭstralii vyrašyŭ nie pavyšać uzrost vychadu na piensiju da 70 hadoŭ, zajaviŭ premjer krainy Skot Morysan. Piensijny ŭzrost pavysicca da 67 hadoŭ dla mužčyn i dla žančyn. Pra heta paviedamlaje telekanał SBS News.

Takim čynam, ułady kančatkova admovilisia ad razhladu inicyjatyvy, prapanavanaj ŭ 2014 hodzie kiraŭnikom kaznačejstva Džo Choki. Pavysić z 65 da 70 hadoŭ piensijny ŭzrost z 2014 hoda ŭrad sprabavaŭ siem razoŭ. Pavodle adkinutaha płana, dasiahnuć hetaj miažy płanavałasia, pavyšajučy kožnyja dva hady termin vychadu na piensiju na šeść miesiacaŭ. Całkam reformu płanavałasia zaviaršyć da 2035 hoda. Tolki za pieršyja čatyry hady dziejańnia źmianieńniaŭ płanavałasia zekanomić $ 3,5 młrd srodkaŭ aŭstralijskaha biudžetu.

Na dadzieny momant uchvaleny piensijny ŭzrost dla mužčyn i žančyn z 65,5 da 67 hadoŭ da lipienia 2023 hoda na paŭhoda kožnyja dva hady.

Клас
0
Панылы сорам
0
Ха-ха
0
Ого
0
Сумна
0
Абуральна
0