Samalot z Dubaja ŭ Ńju-Jork źmiaścili ŭ karantyn, bo sto pasažyraŭ raptam zaniadužali. Usiaho na borcie znachodziacca kala 500 čałaviek, paviedamlajuć infarmahienctvy.

Kala 100 pasažyraŭ samalota avijakampanii Emirates, jaki pryziamliŭsia ŭ mižnarodnym aeraporcie imia Džona Kenedzi ŭ Ńju-Jorku, paskardzilisia na drennaje samaadčuvańnie. Samalot źmieščany ŭ karantyn, infarmavaŭ telekanał NBC sa spasyłkaj na krynicy ŭ pavietranaj havani.

Samalot vylecieŭ z Dubaja i prybyŭ u Ńju-Jork u sieradu ŭ 09:10 pa miascovym časie. Na borcie znachodziacca kala 500 čałaviek. Pa prybyćci ŭ Ńju-Jork bort na ziamli čakali pradstaŭniki Centra pa kantroli i prafiłaktycy zachvorvańniaŭ ZŠA i palicyja.

Pryčyna drennaha samaadčuvańnia pasažyraŭ na dadzieny momant nieviadomaja.

Клас
0
Панылы сорам
0
Ха-ха
0
Ого
0
Сумна
0
Абуральна
0