Hienieralny dyrektar minskaha «Junactva» Alaksiej Torbin u kamientary tut.by abvierh zajavy pradstaŭnika šviedskaha kłuba «Malmio», jaki śćviardžaje, što chakieisty biełaruskaj kamandy vykrali ź pieraapranalni ručniki, šampuń i čajnik.

Alaksiej Torbin. Fota Dźmitryja Bruško, tut.by.

Alaksiej Torbin. Fota Dźmitryja Bruško, tut.by.

— Adrazu ž paśla publikacyi hetaj infarmacyi ja źviazaŭsia ź mieniedžaram kamandy Kryścijanam Vinbierham. Śpiecyjalna ŭdakładniŭ u jaho, ci jość u kłuba aficyjnyja pretenzii. Jon zajaviŭ, što nie. Pry hetym Kryścijan skazaŭ, što nie ŭpaŭnavažany vybačacca. Chaciełasia pahavaryć i z kiraŭnictvam kamandy, ale jany zaraz nakiroŭvajucca na hulniu ŭ Minsk. Budziem razmaŭlać na miescy.

Chaču skazać, što hetaja infarmacyja — fejk. Ni pra jaki kradziež nie moža być i havorki. Varta razumieć, što kłuby pradastaŭlajuć haściavoj kamandzie roznyja raschodnyja materyjały. Naprykład, matuzki i šampuń. My, sa svajho boku, zabiaśpiečym hetym «Malmio».

Ja taksama ździŭleny ich słovami, što my niejak niadobra paviali siabie ŭ hateli.

Tolki što mieŭ znosiny z pradstaŭnikami hatela, u jakim my žyli. Jany paćvierdzili, što da našaj kamandy niama nijakich pretenzij.

Darečy, hatel znachodzicca praz darohu ad areny. My byli tam da samaje ranicy. Kali ŭ kłubie vyjavili źniknieńnie rečaŭ, čamu nie pryjšli da nas vyrašyć pytańnie? Čamu nie źviarnulisia ŭ pravaachoŭnyja orhany? Ja asabista byŭ z kamandaj padčas hetaha vyjezdu i hatovy paćvierdzić, što da nas nie było nijakich pretenzij.

Arena abstalavanaja videakamierami. Chiba nielha było ź ich dapamohaj pravieryć infarmacyju? Zamiest hetaha niejki ich supracoŭnik raźmiaščaje ŭ siabie ŭ tvitary hetyja fatahrafii z abraźlivymi kamientarami. Heta ŭzrovień takoj surjoznaj kamandy, jak «Malmio»?

My abaviazkova budziem patrabavać aficyjnych prabačeńniaŭ ad kłuba i budziem prasić Lihu čempijonaŭ razabracca, ci karektna pavodzić siabie šviedski kłub, — skazaŭ Torbin.

Nahadajem, što ŭ čaćvier u 19.00 «Junactva» zhulaje doma z «Malmio».

Клас
0
Панылы сорам
0
Ха-ха
0
Ого
0
Сумна
0
Абуральна
0