Jak tłumačyć kampanija, abrevijatura EQ rasšyfroŭvajecca jak «elektryčny intelekt».
Pieršym aŭtamabilem z elektryčnym ruchavikom ad Mercedes-Benz budzie poŭnapryvadny krasovier EQC 400 4Matic. Pavodle papiarednich źviestak, aŭtamabil zmoža prajechać da 450 kiłamietraŭ na adnoj zaradcy. Čakajecca, što jon pastupić u prodaž u 2020 h.
Takim čynam, Miersiedes-Benc vyrašyŭ uklučycca ŭ baraćbu za miesca na rynku elektryčnych krasovieraŭ premijalnaha kłasu, na jakim, darečy, užo robicca davoli ciesna.
Svaje varyjanty padobnych aŭtamabilaŭ raspracoŭvajuć Porsche, Audi, Jaguar, a taksama znakamitaja Tesla.
Mercedes-Benz układzie bolš za 10 miljardaŭ jeŭra ŭ zapusk ułasnaj elektryčnaj liniejki. Da 2020 h. kampanija źbirajecca pavialičyć kolkaść svaich całkam elektryčnych madelaŭ da dziesiaci.
Cikava, što jašče ŭ 2010 h. kiraŭnik Mercedes-Benz Dyter Cetše raskrytykavaŭ «chajp» vakoł elektramabilaŭ — maŭlaŭ, navat praź dziesiać hadoŭ pracentnaja dola takoha vidu transpartu na rynku budzie niaznačnaj. Adnak ciapier, prezientujučy pieršy elektryčny krasovier u Stakholmie, jon zajaviŭ reparcioram, što alternatyvy elektryčnym aŭtamabilam niama — kampanija zojmiecca imi «napoŭnicu».
