Eks-supracoŭnik Ministerstva ekanomiki Polščy, aryštavany pa abvinavačvańni ŭ supracoŭnictvie z vajennaj raźviedkaj Rasii, pieradavaŭ rasijskim śpiecsłužbam infarmacyju ab płanach polskaha ŭrada pa hazapravodzie «Paŭnočny patok-2» i pra važnyja dla Polščy inviestycyjnyja prajekty. Pra heta piša WNP.
U ramkach špijonskaj dziejnaści abvinavačvany pieradavaŭ infarmacyju, jakoj vałodaŭ dziakujučy svajoj pracy ŭ adnym z departamientaŭ Ministerstva ekanomiki. Paśla arhanizacyjnych źmienaŭ pracavaŭ u Ministerstvie enierhii.
Jak paviedamiŭ pres-sakratar ministra-kaardynatara śpiecsłužbaŭ Stanisłaŭ Žaryn na asnovie materyjałaŭ Ahienctva ŭnutranaj biaśpieki, Marek V. ŭ svaich čynavienskich abaviazkach pracavaŭ nad stratehičnymi dla polskaj enierhietyčnaj infrastruktury prajektami i atrymańniem finansavańnia ES na patreby dyviersifikacyi pastavak hazu z Rasiei.
Pa paviedamleńniach ŚMI, zatrymany padtrymlivaŭ kantakt z dvuma aficerami rasijskaj raźviedki, jakija pracavali pad prykryćciom pasolstva ŭ Varšavie. Jamu pahražaje da 10 hadoŭ pazbaŭleńnia voli.
