Fota minenergo.gov.by
Pra toje, jakija źmieny źjavilisia ŭ apłacie za elektryčnaść i haz, patłumačyli na sajcie Ministerstva enierhietyki. Hetyja źmieny praduhledžanyja niadaŭna pryniatym Pałažeńniem ab paradku raźlikaŭ i ŭniasieńnia płaty za žyllova-kamunalnyja pasłuhi.
1. Ciapier niepracujučyja piensijaniery, jakija dasiahnuli piensijnaha ŭzrostu, i asoby, jakija majuć prava na lhoty pa apłacie pasłuh elektrazabieśpiačeńnia i hazazabieśpiačeńnia, majuć prava płacić pa subsidavanych taryfach za elektryčnuju enierhiju i haz pa miescy pražyvańnia (u tym liku na dačy), navat kali jany źjaŭlajucca ŭłaśnikami inšaha pamiaškańnia.
Rehistracyja hramadzian pa miescy pražyvańnia ažyćciaŭlajecca na termin da adnaho hoda. Paśla takoj rehistracyi płacielščyku (abanientu) nieabchodna źviarnucca ŭ arhanizacyi enierhazabieśpiačeńnia i hazazabieśpiačeńnia ź piśmovaj zajavaj i dakumientami.
2. Źjaviłasia hrupa spažyŭcoŭ, čyje žyłyja pamiaškanni (žyłyja damy) nie abstalavany elektryčnymi plitami i sistemami centralizavanaha haračaha vodazabieśpiačeńnia i abstalavany va ŭstanoŭlenym paradku sistemami centralizavanaha zabieśpiačeńnia pryrodnym (zvadkavanym vuhlevadarodnym) hazam tolki dla hatavańnia ježy i (abo) aciapleńnia.
Dla ich ź lipienia 2018 h. ŭstanoŭleny nastupny paradak apłaty pasłuh elektrazabieśpiačeńnia:
da 250 kVt·h uklučna — pa subsidavanych taryfach dla nasielnictva;
zvyš za 250 da 400 kVt·h uklučna — pa subsidavanych taryfach dla nasielnictva z prymianieńniem pavyšajučaha kaeficyjenta 1,3;
zvyš za 400 kVt·h — pa taryfach, što zabiaśpiečvajuć poŭnaje pakryćcio ekanamična abhruntavanych zatrat na ich akazańnie.
