Mikałaja Hłuškova — paplečnika Bierazoŭskaha, jaki zahinuŭ u Łondanie viasnoj, — u 2013 hodzie sprabavali atrucić dva čałavieki, zajaviŭ brytanski vyratavalnik Kit Kar vydańniu Guardian.
facebook.com
Pavodle jaho słoŭ, havorka idzie pra dvuch mužčyn z Maskvy, ź jakimi Hłuškoŭ piŭ šampanskaje ŭ Brystali.
Kar raspavioŭ, što na nastupny dzień rasijanin ačnuŭsia ŭ drennym stanie sa śladami ad dyvana na tvary. Palicyja paćvierdziła infarmacyju pra incydent, adnak nie stała pradjaŭlać nijakich abvinavačvańniaŭ.
12 sakavika 2018 hoda cieła Hłuškova było znojdziena ŭ jaho domie na paŭdniovym zachadzie Łondana. Pieršapačatkova paviedamlałasia, što biznesmen nakłaŭ na siabie ruki, ale paźniej palicyja vykazała zdahadku, što jaho mahli zadušyć.
Śmierć Hłuškova nastupiła ad «zdušvańnia šyi», havorycca ŭ zajavie palicyi Łondana.
Jon pamior za tydzień da zamachu na eks-supracoŭnika HRU Siarhieja Skrypala i jaho dačka Juliju ŭ Sołśbiery.
Palicejskija vyklučajuć suviaź śmierci Hłuškova z atručvańniem Skrypaloŭ 4 sakavika