8 vieraśnia na placoŭcy kala Pałaca sportu z samaj ranicy razhorniecca sapraŭdny spartyŭny horad. Tam buduć pradstaŭleny roznyja vidy sportu. Viadomyja spartsmieny i pradstaŭniki fiederacyj praviaduć majstar-kłasy i arhanizujuć spabornictvy, pryniać udzieł u jakich zmohuć nie tolki prafiesijanały, ale i kožny žychar i hość stalicy. Płanujecca, što maštabnyja spartyŭnyja mierapryjemstvy pradoŭžacca da viečara.

Baskietboł (9.30 — 18.30)

Na arenie pad kupałam kala Pałaca sportu ŭ ramkach finalnaha etapu Nacyjanalnaj lihi pa baskietbole 3ch3 adbuducca spabornictvy testavaha turniru Jeŭrapiejskich hulniaŭ — 2019. Za čempijonstva ŭ katehoryi «Dziaŭčaty» pazmahajucca 6 zamiežnych kalektyvaŭ i čatyry najmacniejšyja ajčynnyja kamandy. Biełaruś pradstaviać adrazu dźvie nacyjanalnyja družyny: za asnoŭnuju zhulajuć Natalla Daškievič, Taćciana Lichtarovič, Nastaśsia Suščyk, Darja Mahalas, za maładziožnuju — Aryna Maśko, Hanna Łapo, Alaksandra Šumiejka, Palina Makryckaja.

U mužčynskaj častcy spabornictvaŭ varta źviarnuć asablivuju ŭvahu na katehoryju «Elita», siarod 10 zajaŭlenych kamand dźvie ŭkamplektavany hulcami nacyjanalnych zbornych Biełarusi.

U samaj masavaj katehoryi «Ahulnaja» vystupiać 32 družyny.

Na placoŭcy budzie pracavać hulniavaja zona dla małych i Dziciačaja baskietbolnaja akademija dla dziaciej va ŭzroście ad troch da šaści hadoŭ. U ramkach mierapryjemstva adbuducca pakazalnyja vystupleńni majstroŭ varkaŭta, brejk-dansa i VMCH, hrup padtrymki.

Roliki (11.00 — 15.00)

Masavy zabieh projdzie na praśpiekcie Pieramožcaŭ. Udzieł u im zmohuć pryniać i dzieci, i darosłyja. Treba budzie pieraadoleć dystancyi ad 1 da 16 kruhoŭ. Adznačym, što zabieh adbudziecca pa praviłach kańkabiežnaha sportu, dzie pieršy kruh — raźminkavy abo fiestyvalny, na jakim zabaronieny abhon spartsmiena pad pieršym numaram, astatnija kruhi spabornickija. U zabiehu prymuć udzieł pradstaŭniki Biełarusi, Francyi, Niderłandaŭ, Rasii i Ukrainy.

Z 13.00 pačniecca rabota hulniavych zon, pakazalnyja vystupleńni roleraŭ. Majstar-kłas pa katańni na rolikach praviaduć udzielniki Alimpijskich hulniaŭ 2018 hoda — viadučyja pradstaŭniki kańkabiežnaha sportu krainy Maryna Zujeva, Vital Michajłaŭ, Ihnat Hałavaciuk, Taćciana Michajłava.

Viesłavańnie (11.00)

U centry Minska, na race Śvisłačy, kala praśpiekta Pieramožcaŭ, u subotu adbudziecca prezientacyja parusnaha sportu i spabornictvy pa viesłavańni na bajdarkach i kanoe «Zornaja rehata». Słavutyja biełaruskija spartsmieny, čempijony śvietu i Jeŭropy buduć spaborničać u roznych dyscyplinach na dystancyi 200 mietraŭ. Akramia spabornictvaŭ prafiesijnych spartsmienaŭ projduć zajezdy na drahanbotach — 12-miascovych kitajskich łodkach-bajdarkach.

Valejboł (11.00)

Na zialonaj zonie pamiž budynkami pa praśpiekcie Pieramožcaŭ, 2 i asfaltavaj placoŭcy projdzie majstar-kłas: vychavancy SDIUŠAR navučać navykam hulni ŭ valejboł usich achvotnych haściej i ŭdzielnikaŭ śviata. Na placoŭcy taksama projdzie aŭtohraf- i fotasiesija z hulcami žanočaj valejbolnaj kamandy «Minčanka».

Dla haściej budzie pracavać jarkaja tematyčnaja fotazona, a zabaŭlać naviedvalnikaŭ budzie kłubny maskot žyrafa Žora.

Siłavy ekstrym (11.00 — 15.00)

Na adkrytaj placoŭcy kala Pałaca sportu adbudziecca ŭžo tradycyjny mižnarodny turnir pa siłavym ekstrymie «Minsk Orien Sur» — 2018. Sioleta za kubak Minska pazmahajucca najmacniejšyja stronhmieny z šaści krain — Biełarusi, Rasii, Ukrainy, Hruzii, Litvy i Polščy. Spartsmieny pakažuć siabie ŭ čatyroch asnoŭnych praktykavańniach, samym vidoviščnym ź jakich stanie trek-puł lehkavych aŭtamabilaŭ u sčepcy (arm-avier arm) ahulnaj vahoj vosiem ton.

Stryt-varkaŭt (11.00)

Na asfaltavaj placoŭcy kala Pałaca sportu adbuducca pakazalnyja vystupleńni studentaŭ BDUFK, spartsmienaŭ — navučencaŭ śpiecyjalizavanych vučebna-spartyŭnych ustanoŭ: uschodnija vidy adzinaborstvaŭ, akrabatyka, aerobika, spartyŭnyja tancy, čarlidynh.

9 vieraśnia projdzie Minski paŭmarafon

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?