«Naša «Sałamieja» sapraŭdy vydatnaja. I cnatlivaja. U joj niama ni kryvi, ni seksu, — piša ŭ «Biełarusi siehodnia» Julija Andrejeva.
Taćciana Traćciak śpiavaje i hraje Sałomieju apantana, horača, hałavakružna. Zdajecca, jana ŭsio svajo žyćcio čakała hetaj karonnaj roli», — adznačaje Andrejeva.
«Sałamieja» pakinuła mahutnaje ŭražańnie. Jaskravaja, vidoviščnaja scenahrafija, šmat aryhinalnaha ŭ režysury Michaiła Pandžavidze. Taniec siami pokryvaŭ absalutna cnatlivy. Dla śviatočnych kancertaŭ i dziciačych ranišnikaŭ, — piša ŭ siabie ŭ fejsbuku Taćciana Mušynskaja. — Ščyraje zachapleńnie Taćcianaj Traćciak (Sałamieja) i Uładzimiram Piatrovym (Prarok). A finalnaja scena varjactva Sałamiei — najvyšejšy kłas akciorskaha majsterstva», — padsumoŭvaje jana.
Varta dadać, što ŭvaha da śpiektakla takaja, što zała Opiery na hienieralnym prahonie była zapoŭnienaja da apošniaha kresła.
