Wikimedia Commons
Repier Malkalm Džejms MakKormik, jaki vystupaŭ pad psieŭdanimam Mak Miler (Mac Miller), byŭ znojdzieny miortvym u svaim domie ŭ Kalifornii. U pačatku hetaha hoda jon rasstaŭsia sa svajoj siabroŭkaj — pop-zorkaj Aryjanaj Hrande.
ŚMI paviedamlajuć, što 26-hadovy muzyka, jaki, jak viadoma, złoŭžyvaŭ narkotykami, pamior ad pieradaziroŭki.
Mak Miler staŭ viadomym paśla pośpiechu svajho pieršaha alboma Blue Slide Park, jaki vyjšaŭ u 2011 hodzie i na tydzień uznačaliŭ čart Billboard 200.
Klipy na jaho kampazicyju Donald Trump, raźmieščany ŭ servisie YouTube u sakaviku 2011 hoda, sabraŭ bolš 147 młn prahladaŭ.
Usiaho jon zapisaŭ piać albomaŭ, apošni ź jakich «Swimming» vyjšaŭ sioleta. Muzykant źbiraŭsia adpravicca ŭ čarhovaje kancertnaje turne.
