kremlin.ru

kremlin.ru

Pryznačeńnie patryjarcham Kanstancinopalskim Varfałamiejem svaich pradstaŭnikoŭ va Ukrainie ŭ Ruskaj pravasłaŭnaj carkvie stvaraje pahrozu adzinstvu ŭsiamu suśvietnamu pravasłaŭju. Pra heta havorycca ŭ zajavie Śviatoha sinoda Ruskaj pravasłaŭnaj carkvy (RPC).

U joj padkreślivajecca, što rašeńnie prymałasia biez uzhadnieńnia z patryjarcham Maskoŭskim i ŭsioj Rusi Kiryłam i mitrapalitam Kijeŭskim i ŭsioj Ukrainy Anufryjem, što źjaŭlajecca «najhrubiejšym źnievažańniem carkoŭnych kanonaŭ», jakija zabaraniajuć jepiskapam adnoj pamiesnaj carkvy ŭmiešvacca va ŭnutranaje žyćcio i spravy inšaj pamiesnaj carkvy. U zajavie taksama adznačajecca, što rašeńnie Kanstancinopalskaha patryjarchata pryniać da razhladu pytańnie ab pradastaŭleńni aŭtakiefalii Ukrainskaj pravasłaŭnaj carkvie pryniata nasupierak voli jepiskapata Ukrainskaj pravasłaŭnaj carkvy (UPC).

«U apraŭdańnie svajho ŭmiašańnia ŭ spravy inšaj pamiesnaj carkvy Kanstancinopalski patryjarch pryvodzić iłžyvyja tłumačeńni histaryčnych faktaŭ i spasyłajecca na nibyta isnujučyja ŭ jaho vyklučnyja ŭładnyja paŭnamoctvy, jakimi jon ŭ rečaisnaści nie vałodaje i nikoli nie vałodaŭ. Dadzienyja dziejańni zavodziać u tupik adnosiny pamiž Ruskaj i Kanstancinopalskaj cerkvami, stvarajuć realnuju pahrozu adzinstvu ŭsiaho suśvietnaha pravasłaŭja», - skazana ŭ zajavie.

RPC nazyvaje dziejańni Kanstancinopalskaha patryjarchatua «antykananičny dziejami» i padkreślivaje, što ŭsia adkaznaść za ich lažyć asabista na Patryjarchu Varfałamiei i padtrymlivajučych jaho asobach. «Zvarotnyja dziejańni Maskoŭskaha patryjarchata paśledujuć u samy bližejšy čas», - paabiacali ŭ RPC.

Pra toje, što suśvietny patryjarch Varfałamiej pryznačyŭ u Kijeŭ dvuch svaich pradstaŭnikoŭ (ekzarchaŭ), stała viadoma 7 vieraśnia. Heta adbyłosia ŭ ramkach padrychtoŭki da pradastaŭleńnia aŭtakiefalii Ukrainskaj pravasłaŭnaj carkvie. Ekzarchami Varfałamieja ŭ Kijevie stali archijepiskap Pamfilijski Daniił z ZŠA i jepiskap Edmantanski Iłaryjon z Kanady.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?