Fota Vadzima Zamiroŭskaha
Zbornaja Biełarusi razhramiła ź likam 5:0 kamandu San-Maryna ŭ startavym matčy novaha turniru Liha nacyj. Dubl na rachunku Stasa Drahuna, pa adnym miačy zabili Ihar Stasievič, Anton Saroka (pienalci) i Juryj Kavaloŭ.
11 vieraśnia Biełaruś u haściach hulaje z Małdovaj. U kastryčniku matčy ź Luksiemburham i Małdovaj doma (12 i 15 kastryčnika). U listapadzie ź Luksiemburham i San-Maryna ŭ haściach.
***
Liha nacyj — novy turnir, zasnavany UEFA. Usie jeŭrapiejskija zbornyja padzielenyja na dyvizijony: A, V, S, D. Biełaruś ź inšymi 15 kamandami trapiła ŭ najsłabiejšy dyvizijon D. 16 kamandaŭ jaho padzielenyja na čatyry hrupy.
Biełaruś trapiła ŭ hrupu 2 dyvizijona D da San-Maryna, Małdovy i Luksiemburha. Turnir projdzie ź vieraśnia pa listapad. Zatym pieramožca našaj hrupy razam ź pieramožcami inšych hrup dyvizijona D (1, 3, 4) razyhraje ŭ płej-of adnu pucioŭku na čempijanat Jeŭropy 2020 hoda i pavyšeńnie ŭ dyvizijon S.
U inšych hrupach dyvizijona D hulajuć: 1 — Hruzija, Andora, Łatvija, Kazachstan. 3 — Farery, Azierbajdžan, Kosava, Malta. 4 — Makiedonija, Armienija, Lichtenštejn, Hibrałtar.