Alaksandr Łukašenka raskazaŭ pra svajo znajomstva ź bijatłanistkaj Darjaj Domračavaj.

«Domračava, kali była maleniečkaja, pačynała tut. Tam jašče jość fatahrafii. Ja vučyŭ jaje biehać i kazaŭ: «Ty budzieš vialikaj, kali zrobiš heta, heta, heta». Jana zrabiła», — pieradaje słovy Łukašenki «Trybuna» sa spasyłkaj na prahramu «24 hadziny» na telekanale STV.

Praŭda, hetyja słovy Alaksandra Łukašenki nie supadajuć z aficyjnaj bijahrafijaj Domračavaj. Darja Domračava naradziłasia ŭ 1986 h. u Minsku, ale ŭ 1990 h. razam z baćkami pierajechała ŭ Niahań (Sibir), dzie pačała zajmacca bijatłonam. U Minsk viarnułasia tolki ŭ 2003 h., što praŭda, na letnija kanikuły pryjazdžała ź Sibiry ŭ Biełaruś.

Клас
Панылы сорам
Ха-ха
Ого
Сумна
Абуральна