Saviet fiederacyi Rasii apublikavaŭ kadry z sustrečy śpikiera vierchniaj pałaty parłamienta Valanciny Matvijenka i lidara KNDR Kim Čen Yna. Fata z sustrečy RBK atrymaŭ ŭ pres-słužbie Savieta Fiederacyi.

Fota: pres-słužba Savieta Fiederacyi

Fota: pres-słužba Savieta Fiederacyi

U subotu, 8 vieraśnia, Matvijenka praviała pieramovy z Kim Čen Ynam. Jana paviedamiła, što pieradała kiraŭniku KNDR pasłańnie ad prezidenta Rasii Uładzimira Pucina.

Pavodle jaje słoŭ, paŭnočnakarejski lidar vykazaŭ hatoŭnaść naviedać Rasiju dla sustrečy z Pucinym. Adnak, ich sustreču nie ŭdasca pravieści na Uschodnim ekanamičnym forumie va Uładzivastoku praz ščylny hrafik kiraŭnika KNDR.

Paźniej paŭnočnakarejskaje ahienctva CTAK raskryła źmiest pasłańnia Pucina i raskazała, što jano było pryśviečana 70-hodździu stvareńnia Paŭnočnaj Karei. «Z zadavalnieńniem adznačaju družalubny charaktar adnosin, jakija isnujuć pamiž Rasijskaj Fiederacyjaj i KNDR», — havorycca ŭ pasłańni prezidenta Rasii.

Prapanovu naviedać Rasiju Kim Čen Ynu ŭ mai pieradaŭ kiraŭnik rasijskaha MZS Siarhiej Łaŭroŭ. Paźniej pres-sakratar prezidenta Rasii Dźmitryj Piaskoŭ raspavioŭ, što ŭ jakaści mahčymaj placoŭki dla pieramovaŭ Pucina i Kim Čen Yna razhladajuć Uschodni ekanamičny forum, jaki projdzie va Uładzivastoku z 10 pa 12 vieraśnia.

Jak ciapier stała zrazumieła, sustreča Kim Čen Yna z Pucinym znoŭ adkłałasia.

Клас
0
Панылы сорам
0
Ха-ха
0
Ого
0
Сумна
0
Абуральна
0