U Lidzie prajšoŭ štohadovy fest «Lidbir», jaki ładzicca miascovym brovaram. U muzyčnym žyćci Biełarusi heta adna z najbolš znakavych padziej hoda. Sprava ŭ tym, što bilety na «Lidbir», jak praviła, kaštujuć nie duža šmat, a skład udzielnikaŭ prapanujecca vielmi jakasny.

Adnoj z admietnaściaŭ sioletniaha festu stała toje, što ŭsia arhanizacyjnaja kamunikacyja była na biełaruskaj movie. Pa-biełarusku da hledačoŭ źviartaŭsia viadučy festu, prahramki taksama byli pa-nasku, jak i šyldy ŭ horadzie.

Pierad festam ludzi mahli stać śviedkami rycarskaha turnira, pakatacca na sapraŭdnym drakary, palotać na viertalocie ci pahulać u łaziertah. Było bahata fudkortaŭ z dosyć demakratyčnymi cenami. Prastora pa ŭsie baki ad zamka była zapoŭnienaja ludźmi, ale ciskaniny nie było.

Z admoŭnaha varta adznačyć nievialiki vybar piva. Lidski brovar varyć niamała cikavych hatunkaŭ, ale na feście byli pradstaŭlenyja tolki «Śvietłaje» i «Aksamitnaje», a taksama kvas. Nie chapała vybaru.

Što tyčycca muzyčnaj častki, to nabor vykanaŭcaŭ byŭ tradycyjna mocny. Ź biełaruskich hurtoŭ adznačylisia «Pačućcio palotu» i Nizkiz. U repiertuary apošniaha hurta jość vialikaja kolkaść biełaruskamoŭnych chitoŭ. Jany vykanali «Jak spyniajecca cišynia», «Huantanama», «Niebiaśpiečna». Publika vielmi ciopła prymała mahiloŭskich vykanaŭcaŭ. Uražvaje, jakaja kolkaść ludziej viedała teksty i padpiavała Nizkiz.

A voś rasijan z «Animal Džaz» pryniali mienš haścinna. «Lepš by «Daj darohu» vystupili», — čułasia ŭ natoŭpie. Chiba što na hałoŭnym chicie hurta «Try pałoski» ludzi adryvalisia pa poŭnaj.

Z Ukrainy na fest pryjechaŭ Aleh Skrypka z «Voplami Vidaplasava». «U Biełarusi robiać najlepšuju ŭ Jeŭropie muzyku, ale, na žal, viedajem pra heta tolki vy i ja», — skazaŭ Skrypka. Ź biełaruskich hurtoŭ jon dobrym słovam zhadaŭ «Trojcu», «Pałac», «Krambambulu» i «Jurja».

Skrypka vielmi prafiesijna i pa-majstersku zavodzić publiku, hulajecca ź joj, robić usio, kab nie prapadała cikavaść. Na pieśni «Tancy» jon palez uvierch na sceničnyja ryštavańni i vykonvaŭ jaje z vyšyni. Nu i, kaniečnie, najbolšy pośpiech mieli «Viasna» i «Kraina mrojaŭ».

Aleh Skrypka łazić nad scenaj.

Aleh Skrypka łazić nad scenaj.

Hałoŭnym hvazdom prahramy byŭ «Leninhrad» Siarhieja Šnurava. Sam Šnur pryjechaŭ u Lidu litaralna za dvaccać chvilin da vystupu. Na nievialikaj pres-kanfierencyi jon kazaŭ, što jaho zaŭsiody sardečna prymajuć u Biełarusi. U kamunikacyi z žurnalistami Šnur maciukaŭsia i epatavaŭ publiku. Svaim favarytam siarod maciernych słoŭ jon nazvaŭ «vybł…dak», jakoje vyčytaŭ u Puškina.

«Ja nie achviara natchnieńnia, a achviara kanjunktury. Stvaraju toje, što budzie karystacca popytam», — adkazvaŭ Šnur.

Sam vystup «Leninhrada» byŭ vielmi jakasnym šou. Kali ŭ inšych hurtoŭ viedaješ, jakija pieśni prahučać apošnimi jak hałoŭnyja chity, to ŭ «Leninhrada» ledźvie nie kožnaja pieśnia — chit. Tamu tyja ž «Łabuteny» ci «U Piciery pić» byli vykananyja ŭ siaredzinie.

Publika ščyra padpiavała ŭsim pieśniami Šnura, chaj jany byli z matami, ci biez mataŭ. Zdajecca, vystupam «Leninhrada» nie było niezadavolenych. Pryniali znoŭ nadzvyčaj sardečna. Škada tolki, što biełaruskamoŭny chit «Vośmaha sakavika» vykanany tak i nie byŭ.

«Lidbir» praciahvaje trymać vysokuju płanku arhanizacyi. Na fiestyval ź Minska i inšych haradoŭ jeduć tysiačy i tysiačy ludziej.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?