Alaksandr Łukašenka zapatrabavaŭ ad kiraŭnictva sistemy achovy zdaroŭja ŭžo da pačatku nastupnaha hoda kardynalna vyrašyć usie vyjaŭlenyja prablemnyja pytańni ŭ hetaj śfiery. Pra heta stała viadoma siońnia pa vynikach narady ŭ kiraŭnika dziaržavy, piša BiełTA.

Jak było adznačana, nieabchodnaść takoj razmovy na ŭzroŭni kiraŭnika krainy naśpieła daŭno, bo prablemy nazapašvalisia. Adnak na fonie hučnych dasiahnieńniaŭ i pośpiechaŭ u ajčynnaj miedycynie svoječasova nie byli zaŭvažanyja chiby i niedachopy ŭ rabocie haliny, jakija miescami pieraraśli ŭ sistemnyja pravaparušeńni.

«Napeŭna, voś hetyja pośpiechi i pachvała z boku mižnarodnych arhanizacyj, SAAZ i hetak dalej vam zakružyli hałavu. Padumaješ, drobiaź niejkaja … Ludzi skardziacca, čerhi ŭ paliklinikach, chamstva z boku daktaroŭ pavalnaje. Adkryjcie luboje ŚMI, u internet pahladzicie, sacyjalnyja sietki — vy tam ŭbačycie svaju pracu», — źviarnuŭ uvahu kiraŭnik dziaržavy.

«Pry ŭsich sacyjałahičnych apytańniach, jaki ni praviadzieš, jak minimum u piaciorku niehatyvu vy zaŭsiody traplajecie. Skardziacca na abyjakavaść, drennaje staŭleńnie, asabliva tam, dzie ludzi lečacca, — na miescach, — adznačyŭ Alaksandr Łukašenka. — Chirurhija, hiniekałohija, terapija, kardyjałohija… Znachodziacca na lačeńni zvyčajnyja ludzi. Pahladzicie na ich, jak jany reahujuć na vašu pracu, — tam prablem dastatkova, a vy pa viarchuškach palacieli».

Клас
Панылы сорам
Ха-ха
Ого
Сумна
Абуральна