Rasija i Biełaruś urehulavali situacyju z falsifikatam małočnaj pradukcyi, zajavili ŭ pres-słužbie vice-premjera RF Alaksieja Hardziejeva pa vynikach jaho sustrečy ź biełaruskim kaleham Michaiłam Rusym.

Pa vynikach dadatkovych pravierak biełaruskaj małočnaj pradukcyi vyśvietliłasia, što nieadpaviednaść standartam nie źjaŭlajecca krytyčnaj, tavar nie ŭjaŭlaje pahrozy dla zdaroŭja hramadzian.

Adznačajecca, što Biełaruś uzhadniła z Rasijaj rejestr pradpryjemstvaŭ, jakija majuć prava na pastaŭku adpaviednych tavaraŭ na rasijski rynak. Zaklučana pahadnieńnie ab dadatkovym technałahičnym kantroli pradukcyi, jakoje dapoŭnić dziejnyja z sakavika «darožnyja karty» pa pracedury źniaćcia ŭzajemnych abmiežavalnych mier pa pastaŭkach pradukcyi žyviołahadoŭli.

Rasija nieadnarazova znachodziła parušeńni ŭ małočnych praduktach, jakija pastaŭlajucca ź Biełarusi. Tak, u sakaviku kiraŭnik Minsielhasa Alaksandr Tkačoŭ paabiacaŭ zmahacca «da apošniaha patrona» z małočnym falsifikatam i inicyjavaŭ maštabnuju pravierku na rasijskim małočnym rynku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?