Siaržant Jaŭhien Baranoŭski ŭ zali suda admoviŭsia ad častki pakazańniaŭ, dadzienych padčas śledztva, piša Radyjo Svaboda.

11 vieraśnia na pracesie pa spravie ab śmierci Alaksandra Koržyča pačaŭsia dopyt abvinavačanych siaržantaŭ. Pieršym u sudzie vystupiŭ siaržant Jaŭhien Baranoŭski, jaki kamandavaŭ adździaleńniem Koržyča. Jaho dopyt praciahvaŭsia bolš za čatyry hadziny, paśla čaho prakuror u suviazi sa značnymi roznahałośsiami pačaŭ ahučvać pakazańni Baranoŭskaha, dadzienyja ŭ pieršyja dni śledztva.

Baranoŭski amal adrazu paśla hetaha paviedamiŭ, što dadzienyja padčas śledztva pakazańni nia całkam adpaviadajuć rečaisnaści. Pryčynaj hetaha Baranoŭski nazvaŭ cisk z boku supracoŭnikaŭ KDB.

«Mianie bili, pahražali, — raskazaŭ Baranoŭski ŭ zali suda. — Ja dahetul chadžu ŭ prybiralniu z kroŭju. Heta ŭsio adbyvałasia ŭ KDB, ja nia pamiataju proźviščy supracoŭnikaŭ. Bili, akazvali psychalahičny cisk. Mianie prymušali dać pakazańni, častkova niepraŭdzivyja. U pryvatnaści pra toje, što ja dzialiŭsia hrašyma ź inšymi siaržantami. Ja nie rabiŭ hetaha. Cisk skončyŭsia paśla pieravodu na Vaładarskaha».

Baranoŭski taksama dadaŭ, što jaŭku z pavinnaj napisaŭ pad dyktoŭku supracoŭnikaŭ KDB

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?