Viadučy tok-šou «Miesca sustrečy» na NTV Andrej Norkin vydaliŭ sa studyi ŭkrainskaha ekśpierta, jaki jaho pierapyniŭ, a zatym hruba paskardziŭsia na toje, što nie moža jaho źbić.

«Vy možacie pamaŭčać? U vas nietrymańnie, ci što?» — źviarnuŭsia viadučy da hościa studyi. Kali za jaho zastupilisia inšyja ŭdzielniki dyskusii, adznačyŭšy, što ŭkrainiec maje prava vykazacca, Norkin adkazaŭ, što toj takoha prava nie maje i paprasiŭ vyklučyć hościu mikrafon. Kali ekśpiert praciahnuŭ havaryć, Norkin paprasiŭ jaho pakinuć studyju.

Ukrainski hość, kali sychodziŭ, zajaviŭ, što «praŭda pieramoža» i «Rasija schamianiecca». «Kłoŭn», — skazaŭ Norkin jamu ŭśled. Viadučy aburaŭsia, što nie moža «dać jamu ***» [mocna pabić] tolki z-za taho, što hość starejšy za jaho.

Клас
Панылы сорам
Ха-ха
Ого
Сумна
Абуральна