Pavieł, uradženiec Drahičyna, jaki žyvie i pracuje ŭ Maskvie, pryjechaŭ dadomu razam z žonkaj. Ale miascovym žycharam nie spadabaŭsia jaho manioŭr na darozie. Mužčynu «pravučyli» kułakami.
Padrabiaznaści zdareńnia pryvodzić miascovaje vydańnie «Pieršy rehijon».
14 lipienia Pavieł z žonkaj Taćcianaj na svaim starym «Falksvahienie» z rasijskimi numarami jechaŭ da svajakoŭ u Drahičynie. Z vulicy Šaŭčenki jon płanavaŭ pavarot naleva ŭ zavułak ŭ bok vulicy Kastryčnickaj. Adnak pierad samym pavarotam jon zaŭvažyŭ «cehłu» — ruch zabaronieny. Kiroŭca na imhnieńnie zadumaŭsia i, prapuściŭšy «Opiel Zafiru», pajechaŭ prosta.
Adnak kiroŭcu i pasažyraŭ «Opiela» niešta pakryŭdziła ŭ dziejańniach Paŭła, jaki ŭ pryncypie, praviłaŭ i nie parušyŭ. Jany vyrašyli jaho pravučyć. Mužčyny vyjšli sa svajho aŭto i paškodzili Paŭłu i tvar, i mašynu.
Napadniki ŭdaryli jaho pa tvary, raźbili akulary. Paškodzili i dźviery aŭtamabila — heta ŭsio zafiksavali milicyjanty.
Pa słovach Paŭła, mužčyny byli pjanymi. Ciapier adzin ź ich, toj, jaki biŭ u tvar, pad chatnim aryštam, na jaho zaviedziena kryminalnaja sprava.
