Žonka rasijskaha apazicyjaniera Alaksieja Navalnaha Julija nazvała vyklik hałoŭnakamandujučym vojskami Rashvardyi Viktaram Zołatavym svajho muža na pajadynak «pahrozaj bandyta, jaki ŭpivajecca svajoj biespakaranaściu». Pra heta jana napisała na svajoj staroncy ŭ Instagram.
«Ja staŭlusia z pahardaj da jaho [Zołatava] jak da złodzieja i bajaźliŭca», — dadała žonka Navalnaha, nahadaŭšy, što svoj zvarot rasijski hienierał vypuściŭ mienavita ŭ toj momant, kali Navalny znachodzicca pad aryštam i «nie moža nie toje što adkazać [na vyklik na pajadynak], a navat pahladzieć» jaho.
Z zaklikam da Navalnaha vyjści na «pajadynak, rynh abo tatami» Zołataŭ źviarnuŭsia 11 vieraśnia. Adpaviedny videazvarot apublikavali na sajcie Rashvardyi. U im hienierał rasijskaj armii paabiacaŭ zrabić z apazicyjaniera «adbiŭnuju».
Sam Alaksiej Navalny ciapier znachodzicca pad aryštam.
