Prahrama «Viaskoŭcy» telekanała «Biełsat» zaprašaje ŭ hości da viaskovych šoŭmienaŭ u Darapiejevičy Małaryckaha rajonu.
Kali hetyja artysty źbirajucca razam, usio siało chodzić chodyram — na vulicach pieralivajecca harmonik, nie zmaŭkajuć pieśni dy žarty. Śledam za hetymi ludźmi zaŭsiody kročyć Śviata.
Hetym razam udzielniki samadziejnaha kalektyvu sabralisia na repietycyju, kab padrychtavacca da Dnia naradžeńnia svajoj kalažanki i susiedki. Nie abyšłosia tut biez muzyki, viasiołaj hamonki i žartaŭ. Adzin z udzielnikaŭ hurta raspavioŭ pra svajo pryhody ŭ horadzie: jak jamu prapanavali vypić 20 šklanak harbaty, ale jon admoviŭsia i vypiŭ tolki 19. Mužčyna pachvaliŭsia taksama, jak ašukaŭ u horadzie milicyjanta.
Pakul artysty rychtavali svajo šou, viadoŭca prahramy Viktar Šukiełovič hulaŭ u futboł, myŭ pamidory vodnym pistaletam, šukaŭ maliny, rabiŭ zakatki na zimu dy razmaŭlaŭ ź miascovaj haspadyniaj, jakaja raskazała, ci chacieła b pajechać na pakaz mody ŭ Miłan, čamu lubić paśvić karoŭ dy zhadała adno z samych mocnych uražańniaŭ ź dziacinstva — pjaŭki na nahach u maci.
Prahramu «Viaskoŭcy» hladzicie kožnujusieradu a 18:35 na telekanale «Biełsat» praz spadarožnik «Astra 4A» (raniejšaja nazva «Sirius 4»).
