Fota Siarhieja Hudzilina

Fota Siarhieja Hudzilina

Da siemjaŭ z pryjomnymi dziećmi ŭ Biełarusi z 2018 hodu dadalisia siemji z pryjomnymi pažyłymi ludźmi, piša Radyjo Svaboda.

Pra heta skazaŭ namieśnik ministra pracy i sacyjalnaj abarony Alaksandar Rumak. Źmiena stała mahčymaj tolki sioleta, raniej biełaruskaje zakanadaŭstva nie praduhledžvała takoj formy dahladu za sastarełymi.

«Ad 1 studzienia pryjomnyja siemji atrymali jurydyčnyja pravy brać u svaje siemji pažyłych ludziej. U takich vypadkach abaviazkova składajecca damova, u jakoj zafiksavanyja ŭsie ŭmovy znachodžańnia pažyłych u novych siemjach», — patłumačyŭ Rumak.

Kab nie było błytaniny ź siemjami, u jakija biaruć pryjomnych dziaciej, novaja forma supracy atrymała nazoŭ «zamiaščalnaja siamja».

Alaksandar Rumak paviedamiŭ, što pakul takich siemjaŭ pa ŭsioj Biełarusi tolki 17. Dahladajuć starych pieravažna taksama ŭžo niemaładyja ludzi, bolš za 50 hadoŭ, čyja dzieci stali darosłymi i žyvuć u inšych miescach.

Apłata za takuju pasłuhu zapisvajecca ŭ damovie. Kali siamja biare da siabie niamohłaha čałavieka, to apłatu za jaho ŭnosić dziaržava. Dakładnuju sumu spadar Rumak nie nazvaŭ, ale skazaŭ, što pražyvańnie adnaho čałavieka ŭ domie-internacie dla pažyłych kaštuje ciapier u siarednim 247 rubloŭ na miesiac. Siaredniaja pensija pa ŭzroście ŭ Biełarusi na 1 žniŭnia 2018 hodu składała 374,76 rubla.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?