Mahiloŭskija aktyvisty stvaryli pietycyju z prapanovaj da haradskich ŭład raznastaić saviecki tapanimičny łandšaft novymi nazvami parkaŭ i skvieraŭ z histaryčnym abliččam. U tym liku pierajmienavać Leninskuju vulicu. Ale im admovili, chacia tapanimičnaja kamisija jašče ŭ 2010 hodzie padtrymała pierajmienavańnie hetaj vulicy.

Zialonaj zonie na rahu zavułka Mihaja i vulicy Leninskaj prapanavałasia dać nazvu «Luteranski skvier». Hetaje miesca raniej zajmała Luteranskaja kircha, jakaja była źniščana ŭ 1930-ja hady, a zavułak Mihaja nazyvaŭsia Luteranskim.

Ale čynoŭniki vyrašyli nie pierajmianoŭvać skviery. Adzinaje, na što zhadzilisia kamisija pa tapanimicy — vynieści na hramadskaje abmierkavańnie nazvy čatyroch zialonych zon.

Što tyčycca piešachodnaj zony Leninskaj vulicy, kamisija padtrymała pierajmienavańnie vulicy jašče ŭ 2010 hodzie. Adnak Mahiloŭski haradski Saviet deputataŭ admoviŭsia ad hetaj idei.

U 2014 hodzie zajaŭlałasia, što pytańnie pierajmienavańnia vulicy Leninskaj u Mahilovie abaviazkova budzie vyniesiena na hramadskaje abmierkavańnie, ale heta dahetul nie zroblena.

Клас
0
Панылы сорам
0
Ха-ха
0
Ого
0
Сумна
0
Абуральна
0