Hramadski aktyvist, taksist Leanid Kułakoŭ raskazaŭ, što 3 kastryčnika atrymaŭ aficyjny adkaz z DAI Abłvykankama ab zdareńni, jakoje adbyłosia 27 červienia la restarana «Pajedziem, pajadzim» u Kurapatach.

Złata Savostava.

Złata Savostava.

«Tajota», jakoj kiravała 29-hadovaja Złata Savostava, ździejśniła najezd na pratestoŭcaŭ, jakija nie puskali aŭtamabili na terytoryju restarana. Złata spačatku ździejśniła najezd na Dzianisa Urbanoviča, jaki, kali pavaliŭsia, źbiŭ Kułakova. U vyniku ŭ 6-j balnicy ŭ Kułakova dyjahnastavali zakryty pierałom ruki.

Sama ž Złata paśla zdareńnia prosta raźviarnułasia i źjechała. U intervju «NN» jana patłumačyła, što pryjechała ŭ Kurapaty vypić kavy. Razam ź joj u aŭtamabili była maci.

U DAI spravu niekalki razoŭ padaŭžali. U vyniku ekśpiertami było pryniataje rašeńnie, što padstavaŭ ab zaviadzieńni kryminalnaj spravy suprać Savostavaj niama. Apraŭdali navat toje, što dziaŭčyna źjechała ź miesca DTZ, bo «natoŭp pavodziŭ siabie ahresiŭna, źjechała ŭ metach biaśpieki».

Pravoŭ kiroŭcy Złatu Savostavu nichto nie pazbaŭlaŭ. Takoje rašeńnie padpisaŭ staršy inśpiektar pa daznańni pry DAI abłvykankama, major milicyi Pavieł Pierapiečka.

Na staronkach Złaty Savostavaj u sacyjalnych sietkach miescam žycharstva paznačany «Minsk — Łondan». A miesca pracy — DeLuxe Group Ltd (kampanija, jakaja zajmajecca arhanizacyjaj adpačynkaŭ i śviataŭ), a taksama KRAVT (parfuma i kaśmietyka).

Spadarynia Savostava skončyła zavočna jurydyčny fakultet BDU, a taksama Instituto Marangoni pa śpiecyjalnaści «madelny biznes». Adździaleńnie Instituto Marangoni majecca ŭ Maskvie, tamu zusim nie abaviazkova dziela hetaha jechać u Miłan.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?