Viadučy Juryj Tabolin raskazaŭ «Našaj Nivie», čym skončyŭsia jaho kanflikt ź biznesoŭcam Arkadziem Izrailevičam. 

Čytajcie: Biznesmien Arkadź Izrailevič ulapaŭsia ŭ čarhovy skandał

Sutnaść kanfliktu, jaki adbyŭsia 27 kastryčnika ŭ Minsku, była ŭ tym, što darahaja mašyna Izraileviča była pryparkavanaja na miescy dla invalidaŭ. U vyniku Tabolin, jaki mieŭ prava stajać na hetym miescy, padpior «Bentli» Izraileviča. 

Sa słovaŭ Tabolina, praz paŭhadziny jamu pazvanili sa słovami «prybiary mašynu, a to nie budzie čaho prybirać», a potym jašče i abłajali ŭ duchu «nie darma ciabie pryroda abdzialiła».

Praŭda, Izrailevič śćviardžaŭ, što znachodziŭsia za horadam. A mašyna, maŭlaŭ, była ŭ jaho kiroŭcy. 

Čytajcie: Izrailevič pra situacyju ź invalidam: «Ja hatovy apłacić jamu apieracyju»

Jak ža raźviazaŭsia kanflikt? 

«Na nastupnuju ranicu mnie pryjšło paviedamleńnie ŭ fejsbuku z vybačeńniami i prapanovaj pryjechać u kampaniju Izraileviča pa materyjalnuju padtrymku. Ja admoviŭsia, bo sam zarablaju hrošy, — raskazaŭ Tabolin. — Izrailevič paprasiŭ pryniać situacyju i zrazumieć jaho». 

Juryj Tabolin, fota z fejsbuka

Što aznačaje «zrazumieć jaho»? 

«Tam nie było skazana, što «zvaniŭ ja», ale było napisana «zrazumiejcie pravilna». Zrešty, što jon vybačyŭsia — heta sihnał taho, što jon razumieje, što pavioŭ siabie niapravilna. A reakcyja hramadstva? Vidać, u mnohich jość padstavy dla rezkich zajavaŭ u jahony bok i za miežami majoj situacyi. Ja nie chacieŭ vyklikać šał u adnosinach da jahonaj asoby, prosta ŭ nas vyjaviłasia 30 ahulnych znajomych u fejsbuku. I kali ja jaho tehaŭ, mnie chaciełasia zrazumieć, čym abhruntavanaja takaja pazicyja i styl razmovy», — padsumavaŭ Tabolin. 

U jaho druhaja hrupa invalidnaści ad naradžeńnia, źmianić situacyju apieracyjami niemahčyma. 

Darečy, cikavy fakt: zvanili Juryju z aktualnaha telefonnaha numara Izraileviča. Ale biznesmien paryruje heta tym, što ŭ «Bentli» ŭbudavany telefon, ź jakoha možna zvanić. Maŭlaŭ, jon sinchranizavany ź jahonym numaram. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?