Z 1 pa 11 listapada ŭ Ašhabacie projdzie čempijanat śvietu pa ciažkaj atletycy. Heta pieršy mižnarodny turnir, u jakim voźmie ŭdzieł biełaruskaja zbornaja paśla hodu dyskvalifikacyi. Spabornictvy dajuć mahčymaść atrymać alimpijskuju licenziju na hulni ŭ Tokia. Pryčym upieršyniu za 11 hadoŭ u mižnarodnym turniry voźmie ŭdzieł alimpijski čempijon Piekina-2008 Andrej Aramnaŭ. 

Andrej zajaŭleny ŭ katehoryi 109 kh. Jak adznačyli ŭ trenierskim štabie, atlet, jaki doŭhi čas nie braŭ udzieł u aficyjnych mižnarodnych startach, na zborach u alimpijskim kompleksie «Stajki» vykanaŭ surjozny abjom pracy pry padrychtoŭcy da suśvietnaha forumu i zdolny ŭvajści ŭ vaśmiorku najmacniejšych pa vynikach turniru, paviedamlaje BiełTA.

U čempijanacie voźmie ŭdzieł i siarebrany pryzior Alimpijady ŭ Rya-de-Žaniejra Darja Navumava. Prapuskaje hety start adzin ź lidaraŭ mužčynskaj kamandy Vadzim Stralcoŭ.

Pieršyja ŭznaharody čempijanatu śvietu pa ciažkaj atletycy ŭ Ašhabacie buduć razyhrany 2 listapada.

«Zaraz ja tolki pačynaju ŭstavać z kaleniaŭ na nohi. U mianie napieradzie dva hady — hetaha całkam dastatkova, kab pryjści ŭ maksimalnuju formu. Znachodžusia tolki ŭ samym pačatku šlachu. Pahladzim, što z hetaha atrymajecca. Viadoma, heta avantura z majho boku. Choć mnie budzie praściej, bo ja daśviedčany spartoviec i nie pieršy raz idu pa hetaj ściežcy», — cytuje słovy Aramnava Tribuna.com

Клас
0
Панылы сорам
0
Ха-ха
0
Ого
0
Сумна
0
Абуральна
0