Abaich vyklikali ŭ milicyju. Tam jany znachodziacca ŭžo 6 hadzin, paviedamiła radyjo «Svaboda».
Biełaruski aktyvist anarchisckaha ruchu Viačasłaŭ Kasinieraŭ i jahonaja žonka Maryna Nasienka nie vychodziać na suviaź paśla taho, jak ab 11-j hadzinie 1 kastryčnika pajšli ŭ Maskoŭski RUUS Mienska.
Adnosna Kasinierava i Nasienki raspačali pracesy za raspaŭsiud ekstremisckich materyjałaŭ na Facebook. Jakija mienavita materyjały majucca na ŭvazie, nieviadoma.
Zatrymlivać ludziej u milicyi mohuć maksymum na try hadziny, kali tolki za pravaparušeńnie nie praduhledžany aryšt — tady čałavieka mohuć zatrymać na 72 hadziny da sudu.
Pa stanie na 17 hadzinaŭ Kasinieraŭ i Nasienka nie adkazvajuć na telefanavańni i paviedamleńni ŭ sacsietkach.
Siabra zatrymanych Źmicier Palijenka raskazaŭ Svabodzie, što taksama nia moža źviazacca ź imi i z čałaviekam, jaki išoŭ ź imi ŭ RUUS. U Maskoŭskim RUUS jamu adkazali, što Kasinierava i Nasienki «tam niama».
Kasinierava zaprašali atrymać pozvu praz SMS, pahražali «ŭžyć miery da pryvodu ŭ RUUS», kali jon paprasiŭ pieranieści raźbiralnictva pa spravie na inšy dzień.
