Rasijska-brytanski palitołah, navukovy supracoŭnik University College of London Uładzimir Pastuchoŭ u efiry radyjostancyi «Echo Moskvy» vykazaŭ mierkavańnie, što bolšaść rasijan i sama rasijskaja dziaržava nie hatovyja pryznać biełarusaŭ i ŭkraincaŭ asobnym narodam.

Adzin z patencyjna mahčymych scenaryjaŭ rašeńnia kanstytucyjnaj prablemy — 2024 dla Pucina taki, što Biełaruś budzie ŭciahnutaja ŭ praces bolš intensiŭnaha stvareńnia sajuznaj dziaržavy z Rasijaj, čym toj, jaki adbyvaŭsia da hetaha času, ličyć Pastuchoŭ. I tady pytańnie ab niezaležnaści Biełarusi stanie bolš aktualnym, u paraŭnańni ź jakim pytańnie ab niezaležnaści Ukrainy prosta zatuchnie.

«Ja spadziajusia, što hety scenar nie budzie realizavany. Ja zapeŭnivaju vas, jość ludzi i siły, jakija chacieli b jaho realizavać»,

— skazaŭ Pastuchoŭ.

Palitołah ličyć, što Łukašenka vyhladaje čałaviekam, jaki dobraachvotna i pa svaim ułasnym žadańni stać častkaj čahości bolšaha (a nie kiraŭnikom niezaležnaj dziaržavy) nie zachoča.

Adnak nichto nie viedaje, u jakim stanoviščy budzie znachodzicca Łukašenka z punktu hledžańnia stanu ekanomiki Biełarusi.

Šmat budzie zaležać ad pazicyi Zachadu: ci pahodzicca Zachad u hetym vypadku nie paŭtaryć pamyłku i zasłanić dzirku ŭ biełaruskim biudžecie istotnaj ekanamičnaj dapamohaj, nie pastaviŭšy Biełaruś u toje stanovišča, u jakoje pastavili Ukrainu, zajaviŭ u efiry radyjostancyi rasijska-brytanski palitołah.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?