Rasatam «paśpiachova zapuściŭ reaktar pieršaha rasijskaha płavučaha atamnaha enierhabłoka, paviedamiŭ RIA Naviny pradstaŭnik haliny.

«Fizičny pusk reaktarnaj ustanoŭki pravaha borta płavučaha enierhabłoka «Akademik Łamanosaŭ» adbyŭsia ŭ piatnicu. Reaktarnaja ŭstanoŭka ŭ 17:58 pa maskoŭskim časie dasiahnuła minimalna kantralavanaha ŭzroŭniu mahutnaści», - skazaŭ surazmoŭca ahienctva.

Płyvučy enierhietyčny błok «Akademik Łamanosaŭ» prajekta 20870 - heta hałaŭny prajekt sieryi mabilnych enierhabłokaŭ małoj mahutnaści.

Enierhabłok pabudavali na Bałtyjskim zavodzie (Sankt-Pieciarburh). Jon pryznačany dla pracy ŭ składzie płyvučaj atamnaj ciepłaelektrastancyi (PACES).

Enierhabłok padychodzić dla ekspłuatacyi ŭ rajonach Krajniaj Poŭnačy i Dalokaha Uschodu. Jaho asnoŭnaja meta - zabiaśpiečyć enierhijaj addalenyja pramysłovyja pradpryjemstvy, partovyja harady, a taksama hazavyja i naftavyja płatformy ŭ adkrytym mory. Ŭvieści enierhabłok ŭ ekspłuatacyju płanujecca ŭ porcie Pieviek na Čukotcy ŭ śniežni 2019 hoda.

«Akademik Łamanosaŭ» abstalavany dvuma reaktarnymi ustanoŭkami KŁT-40S, jakija zdolnyja vypracoŭvać elektryčnuju i ciepłavuju enierhiju ŭ naminalnym pracoŭnym režymie, što dastatkova dla padtrymańnia žyćciadziejnaści horada z nasielnictvam kala 100 tysiač čałaviek.

Raspracoŭščyki śćviardžajuć, što PACES raspracavana ź vialikim zapasam tryvałaści, jaki praduhledžvaje ŭsie mahčymyja pahrozy i robić jadziernyja reaktary niedasiažnymi dla cunami i inšych pryrodnych katastrof. 

Клас
0
Панылы сорам
0
Ха-ха
0
Ого
0
Сумна
0
Абуральна
0