Fota Darji Burakinaj, Tut.by

Fota Darji Burakinaj, Tut.by

Hałoŭny trenier CHK «Dynama» Hordzi Duajer zvolnieny. Skasavanyja taksama kantrakty z trenieram Siarhiejem Stasiem, trenieram Kanstancinam Kalcovym, trenieram pa bramnikach Andrejem Kudzinym, trenieram pa fizpadrychtoŭcy Hienadziem Lanha i trenieram-sielekcyjanieram Juryjem Kuźmiankovym, paviedamlaje pres-słužba kłuba.

«Kamandzie patrebnyja radykalnyja pieramieny, tamu, sumiesna z trenierami abmierkavaŭšy stanovišča spraŭ, my pryjšli da adnadušnaj vysnovy, što spynieńnie supracoŭnictva ź ciapierašnim trenierskim štabam pavinna nadać stanoŭčy impuls našaj kamandzie. Nam nieabchodna kardynalnaje palapšeńnie praktyčna ŭsich kampanientaŭ hulni. U takija momanty rezkija rašeńni apraŭdanyja, tolki tak my možam niešta źmianić. Pra toje, chto zamienić Hordzi Duajera i jaho asistentaŭ, budzie nieŭzabavie abvieščana. Novy trenierski štab prystupić da pracy ŭ najbližejšy čas, kab padrychtavać kamandu da matča suprać «Traktara», — prakamientavaŭ kadravyja źmieny hienieralny dyrektar CHK «Dynama-Minsk» Dźmitryj Baskaŭ.

Nahadajem, što paśla 25 hulniaŭ «Dynama» zajmaje apošni radok u Zachodniaj kanfierencyi. U kamandy 6 pieramohaŭ i 19 parazaŭ, pryčym sieryja z parazaŭ naličvała 11 matčaŭ. Hod tamu «Dynama» nie zdoleła prabicca ŭ płej-of.

Pavodle infarmacyi Tribuna.com, hałoŭnym trenieram «Dynama» pryznačany hałoŭny trenier zbornaj Biełarusi Andrej Sidarenka.

Клас
Панылы сорам
Ха-ха
Ого
Сумна
Абуральна