Namieśnica dyrektara himnazii № 31 Inesa Achramovič adsutničała na pracy niekalki dzion, adnak naprykancy minułaha tydnia viarnułasia da vykanańnia svaich abaviazkaŭ, piša Radyjo Svaboda.
Čutki pra mahčymaje zvalnieńnie namieśnicy dyrektara pa vychavaŭčaj pracy himnazii № 31 Inesy Achramovič źjavilisia na nastupny dzień paśla publikacyi videazapisu ab ustupleńni ŭ šerahi BRSM vučniaŭ himnazii. Videa stała virusnym i za niekalki dzion nabrała sotni tysiač prahladaŭ na roznych platformach. Tolki ŭ sacyjalnych sietkach Svabody jaho prahledzieli kala paŭmiljona razoŭ.
Nieŭzabavie paśla publikacyi karystalniki sacsietak pačali pisać, što hołas zavuča na zapisie vielmi padobny da hołasu namieśnicy dyrektara himnazii № 31 Inesy Achramovič. Sama Achramovič u razmovie z karespandentam BiełaPAN na nastupny dzień paśla publikacyi videazapisu skazała, što znachodzicca jana na razmovie ŭ adździele adukacyi Mienharvykankamu.
Jak stała viadoma Svabodzie, paśla publikacyi skandalnaha videa Inesa Achramovič adsutničała ŭ himnazii dva dni. «Usie dumali, što jaje zvolniać, byli pierakananyja ŭ hetym, — skazała Svabodzie maci adnoj z vučanic. — Adnak praz dva dni jana viarnułasia i ciapier praciahvaje pracavać, jak ničoha i nie było».
Jak zahaniajuć u BRSM. Vučni minskaj škoły zapisali skandalnaje VIDEA
