president.gov.by

president.gov.by

Pra heta Alaksandr Łukašenka zajaviŭ na pieramovach u pašyranym składzie z prezidentam Azierbajdžana Ilchamam Alijevym, paviedamlaje BIEŁTA.

«Azierbajdžan dla nas byŭ i zastajecca nadziejnym stratehičnym partnioram. My vysoka cenim našu družbu i hatovyja hetak ža ščyra i adkryta sadziejničać prasoŭvańniu intaresaŭ Azierbajdžana ŭ centry Jeŭropy», - padkreśliŭ biełaruski kiraŭnik

Alaksandr Łukašenka asabliva adznačyŭ, što ŭ dvuchbakovych adnosinach niama zakrytych tem dla supracoŭnictva. «My nikoli nie supracoŭničali suprać niejkich krain. My ŭsio robim dla dabrabytu našych narodaŭ. Schavanych i zakrytych tem niama i nikoli nie budzie. My ščyryja i adkrytyja dla ŭsiaho śvietu», - skazaŭ jon.

Kiraŭnik dziaržavy źviarnuŭ uvahu, što za čverć stahodździa z momantu ŭstanaŭleńnia dypłamatyčnych adnosin dyjałoh krain nabyŭ stratehičny charaktar. «Vysoki ŭzrovień miždziaržaŭnaha davieru nie vypadkovy. U jaho asnovie - daŭnija tradycyi družby biełaruskaha i azierbajdžanskaha narodaŭ. Heta dazvalaje ŭ kanstruktyŭnaj atmaśfiery abmiarkoŭvać navat samyja składanyja pytańni», - adznačyŭ biełaruski kiraŭnik.

Jon taksama zapeŭniŭ, što Biełaruś nastrojena na sistemnaje i doŭhačasovaje supracoŭnictva ŭ handlova-ekanamičnaj śfiery. «Niahledziačy na ​​stanoŭčuju dynamiku tavaraabarotu z Azierbajdžanam, jaho abjomy dalokija ad aptymalnych, pra što my siońnia doŭha kazali. My bačym patencyjał dla ich pavieličeńnia», - skazaŭ na zakančeńnie jon.

Клас
0
Панылы сорам
0
Ха-ха
0
Ого
0
Сумна
0
Абуральна
0