Straty ad dziejnaści hałoŭnaha redaktara TUT.BY acanili ŭ 10 tysiač rubloŭ, ale abvinavačańnie ŭ niesankcyjanavanym dostupie źniali, piša radyjo «Svaboda».
Śledčy kamitet vinavacić hałoŭnaha redaktara TUT.BY Marynu Zołatavu ŭ «biaździejnaści adkaznaj asoby». Ciapier joj pahražaje da 5 hadoŭ pazbaŭleńnia voli. Hety artykuł «ciažejšy», čym u inšych 14 fihurantaŭ «spravy BiełTA».
Abvinavačańnie ŭ niezakonnym dostupie da infarmacyi z hałoŭnaha redaktara Tut.by źniali. Ale straty ad jaje dziejnaści acanili ŭ 10 tysiač rubloŭ. Heta tyja zachody na BiełTA, jakija nie ŭdałosia identyfikavać — kamu kankretna z padnačalenych Zołatavaj jany naležać.
Jak raspaviała Svabodzie Maryna Zołatava, mahčymaści pieravieści jaje spravu ŭ administratyŭnuju nie było, bo da siońnia joj nie było vysunutaje abvinavačańnie.
«Śledztva jašče pracavała z materyjałami, tamu vysunuli abvinavačvańnie tolki siońnia. Ci pieraviaduć i maju spravu ŭ administratyŭnuju, nieviadoma, bo heta ž nie ad mianie zaležyć. Moj dopyt siońnia doŭžyŭsia bolš za 3 hadziny».
