Uvosień prajšoŭ pieršy turnir Lihi nacyj, dzie zbornaja Biełarusi zavajavała prava paŭdzielničać u turniry płej-of, što daje pramuju pucioŭku na čempijanat Jeŭropy pa futbole. Pieršy matč — u sakaviku 2020 hoda suprać Hruzii.

A siońnia ŭ Dublinie (pačatak a 14-j) projdzie losavańnie kłasičnaha adboračnaha turniru na Jeŭra-2020. 55 zbornych buduć raźbityja na 10 hrupaŭ: pa piać ci šeść kamandaŭ u kožnaj. Turnir projdzie z sakavika pa listapad 2019 hoda.

Pucioŭki na Jeŭra-2020, jaki ŭpieršyniu projdzie nie ŭ adnoj ci dvuch krainach, a adrazu ŭ 12 haradach (Łondan, Hłazha, Dublin, Kapienhahien, Amsterdam, Bilbaa, Miunchien,Rym, Budapiešt, Bucharest, Sankt-Pieciarburh, Baku) atrymaje pa dźvie kamandy z hrupy. Astatnija čatyry pucioŭki atrymajuć pieramožcy mini-turniraŭ zhadanaj vyšej Lihi nacyj.

 

U siońniašnim adbory Biełaruś trapiła ŭ košyk 5, razam z Armienijaj, Azierbajdžanam, Farerami, Hibrałtaram dy inš.. Słabiej za nas tolki košyk 6 z Andoraj, Łatvijaj, Lichtenštejnam i San-Maryna. Heta aznačaje, što kamandu z košyka 5 my nie atrymajem, a z košyka 6 — tak, kali trapim u hrupu z 6 kamandaŭ.

U košyku 1: Anhlija, Bielhija, Hałandyja, Ispanija, Italija, Partuhalija, Polšča, Francyja, Charvatyja, Šviejcaryja.

U košyku 2: Aŭstryja, Bośnija, Hiermanija, Danija, Isłandyja, Rasija, Ukraina, Uels, Čechija, Šviecyja

Košyk 3: Bałharyja, Izrail, Irłandyja, Paŭnočnaja Irłandyja, Narviehija, Šatłandyja, Sierbija, Słavakija, Turcyja, Finlandyja.

Košyk 4: Ałbanija, Vienhryja, Hrecyja, Hruzija, Kipr, Litva, Rumynija, Słavienija, Čarnahoryja, Estonija.

U hrupu traplaje pa kamandzie z košyku.

Biełaruś moža trapić, jak u hrupu śmierci: lubaja z kamandaŭ košyka 1, a taksama Hiermanija (košyk 2), Sierbija (3), Rumynija (4), a moža trapić u hrupu «možna žyć». Naprykład, Polšča (1), Isłandyja (2), Finlandyja (3), Litva (4) i San-Maryna.

Pačatak losavańnia ŭ 14:00.

Клас
0
Панылы сорам
0
Ха-ха
0
Ого
0
Сумна
0
Абуральна
0