U vioscy Biełavusaŭščyna na Pružanščynie padčas pažaru zhareŭ apošni budynak — syravarnia, pabudavanaja ŭ pieršaj pałavinie 19-ha stahodździa, ale zastalisia ścieny, kaža miascovy paet-pčalar, krajaznaviec Mikoła Papieka ŭ kamientary «Radyjo Racyja»:

— Heta siadziba, jakaja naležała ŭ svoj čas Švykoŭskim — viadomamu pružanskamu rodu. Tut znachodzilisia dźvie śvinafiermy, dźvie fiermy dla karoŭ, kaniušnia, vinakurnia, syravarnia. Adzin ź pieršych traktaraŭ u Pružanskim rajonie źjaviŭsia tut.

Pavodle mastaka Andreja Łyčkoŭskaha, heta zabudova mahła być spačatku kaplicaj-sklepam, vykananaj u architekturnym styli poźniaj hotyki. Paśla była razrabavana rasiejcami. Paźniej novymi pakaleńniami naščadkaŭ pieratvorana ŭ syravarniu. Nieabyjakavyja hramadzianie spadziajucca, što ŭłada prymie miery pa zachavańni apošniaha architekturnaha šedeŭra, jaki zastaŭsia ad siadziby Švykoŭskich u Biełavusaŭščynie.

Клас
0
Панылы сорам
0
Ха-ха
0
Ого
0
Сумна
0
Абуральна
0