EADaily: «Rasija nie atrymlivaje nijakaj karyści ad subsidziravańnia Biełarusi»

Viadučy ekśpiert Centra vajenna-palityčnych daśledavańniaŭ MHIMO (u) MZS Rasii Michaił Alaksandraŭ ličyć, što zajava Łukašenki ab canie na haz — šantaž Rasii, i na samaj spravie nie Rasija, a Biełaruś atrymlivaje pryvilei ad sajuza z Rasijaj u adnabakovym paradku. «Biełaruś zajaŭlaje pra toje, što źjaŭlajecca suvierennaj dziaržavaj. Łukašenka na kožnym kroku pra heta kaža. Ale suvierennaja dziaržava pavinna sama siabie zabiaśpiečvać, tak što niama čaho prasić hrošy ŭ Rasii. My i tak subsidujem Biełaruś u vielizarnych maštabach, ale nijakaj karyści ad hetych subsidyj my dla siabie nie atrymlivajem. Łukašenka nie zrabiŭ dla nas navat takoj drobiazi, jak pryznańnie Abchazii i Paŭdniovaj Asiecii. Jon praciahvaje hulni z NATA i JEZ, nie padtrymlivaje nas u roznych kryzisnych situacyjach. U Siryi jaho taksama nie vidać. Jak my pavinny na heta reahavać? Ja liču, što my na hety šantaž paddavacca nie pavinny. Chočacie kab my dapamahli? Tady dla pačatku pryznajcie Paŭdniovuju Asieciju i Abchaziju, nakirujcie choć by svoj palicejski kantynhient u Siryju, kab padtrymlivać našu miratvorčuju apieracyju tam. A z vykačvańniem z Rasii resursaŭ i hrošaj bieź jakoj-niebudź addačy treba zakančvać. Treba naohuł spynić lhotnyja pastaŭki i pieravieści ŭsio na čystuju manietu. Biełaruś u nas kuplaje ŭsio pa suśvietnych cenach, a my potym možam vypłačvać datacyi, ekanamična dapamahać, davać kredyty. Ale nie prosta tak, a za realnyja sajuźnickija pavodziny», — pierakanany Alaksandraŭ.

Viečierniaja Moskva: «Ź Biełaruśsiu siabravać ciažka, ale treba»

«Davajcie pryznajem: u Rasii ciapier nie tak šmat chaŭruśnikaŭ. Pa palcach pieraličyć. I ŭsie hetyja chaŭruśniki z nami siabrujuć tolki tamu, što my ich u toj ci inšaj stupieni kormim. Tanny haz. Adkrytaść miežaŭ dla pracoŭnych mihrantaŭ. Vajskovyja bazy na terytoryi — kab u vypadku kanfliktu abaranić (jak, naprykład, u vypadku z Armienijaj). My dla siabroŭ — heta vialiki ruski miadźviedź, jaki dzielicca miodam. A kali nie budzie dzialicca, to navošta taki siabar? Treba šukać novaha! Ukraina i Hruzija — znajšli. My baimsia, što znojduć i inšyja. Adsiul i tanny haz, i ŭsio inšaje. Pry hetym, treba razumieć, što i ŭ siabroŭ, chaj i mocna zaležnych, jość honar. Łukašenka, naprykład, nie raz aburaŭsia rasijskimi ministrami, jakija hadzinami trymajuć svaich biełaruskich kalehaŭ u pryjomnaj, jak padnačalenych. A ŭ nas ža z 1995 hoda — Sajuznaja dziaržava».

Vzhlad: «Łukašenka razumieje časovy i vypadkovy charaktar uźniknieńnia Biełarusi»

«Jak ruski, jak saviecki čałaviek jon nie moža nie razumieć časovy i vypadkovy charaktar ​​uźniknieńnia Respubliki Biełaruś. Jak i toje, što biełarusy i ruskija — heta častka adnaho vialikaha naroda. I viartańnie da adzinstva budzie dabrom i dla ich samich, i dla ruskaha śvietu. Tamu Łukašenka i viadzie krainu pa šlachu intehracyi ŭ ramkach Jeŭrazijskaha sajuza. Ale adnačasova jak prezident niezaležnaj dziaržavy jon nie moža skazać samomu sabie i svaim hramadzianam: usio, my pahulali ŭ niezaležnaść, adsiedzielisia ŭ «chatcy», ciapier Rasija ŭžo nie razvalvajecca, jana vyjšła sa smuty, davajcie abjadnoŭvacca.

Adsiul i dvaistaść jaho dziejańniaŭ. Jon kaža pra toje, što razam vajavali ź Niamieččynaj, i choča taki ž košty na haz, jak na Smalenščynie, ale pry hetym nie hatovy admaŭlacca ad suvierenitetu. Jaho možna zrazumieć — pa-čałaviečy i navat palityčna. Ale prymać rašeńnie ŭsio adno daviadziecca. Ciapier Łukašenku 64 hady, da momantu stvareńnia adzinaha rynku JEAES jamu budzie 71.

Viadoma, Boh jamu moža dać i 80, i 90 hadoŭ žyćcia. Ale pytańnie poŭnaha ŭźjadnańnia Rasii i Biełarusi, viadoma, pavinna vyrašycca pry žyćci Łukašenki», — piša Vzhlad.

NSN: «Łukašenka paspračaŭsia z Pucinym pra haz, zabyŭšysia, što nafta dla jaho važniejšaja»

Viadučy analityk Fondu nacyjanalnaj enierhietyčnaj biaśpieki Ihar Juškoŭ u efiry NSN zajaviŭ, što ŭ pieršuju čarhu Biełarusi treba dumać pra źnižki na naftu, a nie spračacca pra haz.

«Łukašenka, ja dumaju, ciśnie na toje, što cana rasijskaha hazu pavinna być u Biełarusi takoj ža, jak u rasijskich rehijonach, heta značyć kala 50-70 dalaraŭ za tysiaču kuboŭ. <…> Składana znajści tavar, jaki Biełaruś ekspartuje ŭ inšyja krainy, ale nam pradaje tańniej. Ja dumaju, što Biełarusi mocna cisnuć na heta nie treba, im ciapier važniej atrymać peŭnyja sastupki padatkovyja ŭ naftavaj halinie. A ŭžo hazavaje pytańnie dla ich pakul što druhasnaje», — adznačyŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?