Na rasijskim telebačańni ŭpieršyniu pakazali Kaciarynu Cichanavu — małodšuju dačku prezidenta Rasii Uładzimira Pucina.

U viečarovych navinach na telekanale «Rasija 24» ad 6 śniežnia byŭ pakazany siužet pra prahramu pa prahramavańni padśviadomaści, jakuju raspracavali rasijskija vučonyja.

Kaciaryna Cichanava ŭ siužecie pradstaŭlena jak kiraŭnik centra Nacyjanalnaha intelektualnaha raźvićcia «Inapraktyka», namieśnica dyrektara Instytuta matematyčnych daśledavańniaŭ składanych sistem Maskoŭskaha dziaržaŭnaha ŭniviersiteta.

Dačka Pucina kamientuje temu kantrolu nad elektryčnymi sihnałami mozhu, jaki «adkryvaje ŭnikalnyja mahčymaści dla kiravańnia lubymi robatatechničnysm sistemami».

«Vielmi važna, što Niejracentr [Instytuta raźvićcia «Inapraktyka»] pabudavany mienavita na sinierhii hetych technałohij i na realnym ich popycie ŭ ekanomicy. Sapraŭdy, možna skazać, što adnačasova čałaviek spaznaje mahčymaści technałohij i siabie adnačasova», — zajaviła Kaciaryna Cichanava ŭ efiry rasijskaha telekanała.

Hety siužet — pieršaje źjaŭleńnie ŭ teleefiry dački rasijskaha prezidenta.

Клас
Панылы сорам
Ха-ха
Ого
Сумна
Абуральна