Fota Radyjo «Svaboda»

Fota Radyjo «Svaboda»

Maskoŭski harsud skaraciŭ da 16 sutak termin aryštu 77-hadovaha pravaabaroncy Lva Panamarova, jaki raniej atrymaŭ 25 sutak za repost tekstu z zaklikam da niesankcyjanavanaha mitynhu ŭ abaronu fihurantaŭ «spravy «Novaj vieličy». Takoje rašeńnie pryniała sudździa Hanna Sielivierstava, pieradaje RBK.

5 śniežnia Ćviarski sud Maskvy pryznačyŭ Panamarovu 25 sutak aryštu pa č. 8 art. 20.2 KaAP ab paŭtornym parušeńni — raniej sioleta pravaabaroncu ŭžo štrafavali za adzinočny pikiet 23 lipienia.

Panamarova adpravili ŭ śpiecpryjomnik adrazu z zały suda.

Paśla aryštu Panamarova rasijski prezidencki Saviet pa pravach čałavieka (SPČ) vystupiŭ z zajavaj, adznačyŭšy, što ličyć rašeńnie ab aryšcie «žachlivym», ale i «zamiena jaho luboj inšaj sankcyjaj budzie supiarečyć pačućciu spraviadlivaści i duchu rasijskaj Kanstytucyi», bo Panamaroŭ «nie vinavaty ŭ parušeńni zakona i maje być vyzvaleny nieadkładna».

«Leŭ Panamaroŭ, 1941 hoda naradžeńnia, doktar fizika-matematyčnych navuk, paplečnik akademika A. Sacharava i adzin sa stvaralnikaŭ tavarystva «Miemaryjał», nie rabiŭ nijakich hvałtoŭnych dziejańniaŭ, nikoli i nikoha nie zaklikaŭ da ich ździajśnieńnia, nikoli nie vykazvaŭ ničoha, što mahło b vyklikać nianaviść da kaho b tam ni było», — skazana ŭ zajavie SPČ.

7 śniežnia Masharsud pakinuŭ Panamarova pad aryštam, skaraciŭšy termin da 16 sutak.

Kamientujučy rašeńnie suda, advakat Hienry Reźnik nazvaŭ «haniebnaj zakazuchaj» i «śpiekulacyjaj śpiecsłužbaŭ».

U svajoj pramovie ŭ sudzie advakat padkreśliŭ, što post, jaki Panamaroŭ źmiaściŭ na svajoj staroncy, nie ŭtrymlivaje nijakich zaklikaŭ da ŭdziełu ŭ niaŭzhodnienaj akcyi; jaho aŭtary raźličvajuć tolki na ŭnutranaje pierakanańnie i asabistuju volu ludziej. Reźnik adznačyŭ, što ŭ prykładzienych da pratakoła dakumientach i pastanovie Ćviarskoha suda jość šmatlikija raparty i daviedki siłavikoŭ, ale niama realnaha razboru tekstu. Taksama ŭ pastanovie iłžyva śćviardžajecca, što Panamaroŭ ažyćciaŭlaŭ zakliki ad svajho imia, tady jak nasamreč jon tolki padzialiŭsia tekstam, napisanym inšymi ludźmi.

Piśmieńnik i deputat Dziarždumy Siarhiej Šarhunoŭ zapatrabavaŭ upaŭnavažanaha pa pravach čałavieka Taćcianu Maskalkovu pravieryć zakonnaść aryštu pravaabaroncy. Kamisar Rady Jeŭropy pa pravach čałavieka Dunia Mijatavič zapatrabavała terminova vyzvalić pravaabaroncu; na jaje dumku, vypadak Panamarova źjaŭlajecca jarkim prykładam vykarystańnia niesuvymiernych sankcyj.

Nieadkładna vyzvalić pravaabaroncu Lva Panamarova zaklikali Złučanyja Štaty. Pra heta havorycca ŭ tvitary Dziarždepartamienta.

Panamaroŭ na svajoj staroncy ŭ Facebook źmiaściŭ repost z zaklikam pryniać udzieł u akcyi «Za našych i vašych dziaciej» u padtrymku fihurantaŭ «spraŭ «Novaj vieličy» i «Sietki».

Arhanizatarami akcyi, akcyja prajšła ŭ šerahu rasijskich haradoŭ, byli baćki abvinavačanych pa hučnych «ekstremisckich» spravach. U Maskvie aktyvisty płanavali zładzić šeście ad mietro «Turhienieŭskaj» da Łubianskaj płoščy i nazad da Turhienieŭskaj płoščy, pry hetym meryja Maskvy va ŭzhadnieńni hetaha maršrutu admoviła — aktyvistam było prapanavana pieranieści jaje na haradskija ŭskrainy. U Maskvie ŭ akcyi ŭdzielničali kala 150 čałaviek, 18 byli zatrymanyja. U Sankt-Pieciarburhu pa vynikach šeścia ŭ palicyi apynulisia kala 40 čałaviek.

Клас
Панылы сорам
Ха-ха
Ого
Сумна
Абуральна