U Biełarusi treba imknucca da taho, kab lubaja apieracyja pa zapycie hramadzianina išła bieskantaktava, u virtualnaj śfiery, zajaviŭ pieršy namieśnik ministra suviazi i infarmatyzacyi Dźmitryj Šadko ŭ intervju telekanału STB, paviedamlaje tut.by.

Usiaho uzroŭniaŭ elektronnaha ŭrada piać, i pieršy - prosta raźmieščanaja na sajcie dziaržorhana infarmacyja. «Typavy ŭzrovień pa śviecie - interaktyŭny ŭrad. Heta čaćviorty ŭzrovień», - raspavioŭ Šadko.

Piaty ŭzrovień - heta praaktyŭny ŭrad. «Jon praduhledžvaje, što dziaržava, vałodajučy vialikaj kolkaściu źviestak, zdolna ich supastavić sama, kab kali ŭ čałavieka ŭźnikła patreba ŭ dziaržaŭnaj pracedury, administracyjnym dziejańni, dziejańnie ździajśniałasia albo aŭtamatyčna, albo čałavieku nahadvałasia ab nieabchodnaści jaho ździajśnieńnia», — skazaŭ namieśnik ministra. Heta, da prykładu, zamiena pašparta.

Ahladnyja pierśpiektyvy praryvu ŭ hetym kirunku dla Biełarusi - 2019-2020 hady. «Heta i biełaruskaja intehravanaja servisna-raźlikovaja sistema, i novy varyjant ahulnadziaržaŭnaj aŭtamatyzavanaj infarmacyjnaj sistemy - heta značyć tych infrastrukturnych elemientaŭ, jakija dazvalajuć usiu nieabchodnuju infarmacyju sabrać razam i złučyć hetyja, kab atrymać administracyjnuju praceduru», - raspavioŭ Šadko.

Biełaruskaja intehravanaja servisna-raźlikovaja sistema - heta identyfikacyjnaja karta biełarusa, novy varyjant pašparta, udakładniŭ namieśnik ministra, pryčym karta źjaŭlajecca i nośbitam elektronnaha ličbavaha podpisu, što daje nośbitu šmat novych mahčymaściaŭ.

Namieśnik ministra pryznaŭ, što čysta technična vypuścić i vydać karty kožnamu zojmie dastatkova času. Ale pačnuć vydavać dakumienty ŭžo ŭ 2019 hodzie. «U čarhu, dumaju, možna zapisvacca», - uśmichnuŭsia Dźmitryj Šadko.

Клас
0
Панылы сорам
0
Ха-ха
0
Ого
0
Сумна
0
Абуральна
0