Pieršy vice-premjer, ministr finansaŭ RF Anton Siłuanaŭ zajaviŭ ab pieryjadyčnym parušeńni mytnaha režymu Biełarusi i Rasii, u pryvatnaści ab uvozie sankcyjnych i padakcyznych tavaraŭ na terytoryju RF. Pra heta jon paviedamiŭ žurnalistam, pieradaje TASS.
«My kažam, što vy naš susied, naš sajuźnik, ale ŭ apošni čas davier stračany. Usie hetyja rastvaralniki, «sankcyjonka» idzie da nas, padakcyznyja tavary — cyharety, našy rynki zapaŭniajuć», — adznačyŭ jon.
Siłuanaŭ dadaŭ, što Biełaruś nie całkam vykonvaje ŭmovy sajuznaj damovy 1999 hoda, jakaja praduhledžvaje stvareńnie adzinaj padatkovaj, mytnaj, hrašova-kredytnaj, akcyznaj, ekanamičnaj palityki.
«Usio heta elemienty našaj sajuznaj damovy ad 1999 hoda, tam usio heta prapisana, ale nie vykonvajecca», — skazaŭ jon. U jakaści prykładu jon pryvioŭ adsutnaść da hetaha času adzinaj valuty dźviuch krain.
