Ministr abarony Andrej Raŭkoŭ daŭ intervju rasijskamu infarmacyjnamu ahienctvu «RIA Novosti». Asablivuju ŭvahu jon nadaŭ amierykanskaj vajskovaj bazie ŭ Polščy.
Andrej Raŭkoŭ
***
Nichto nie choča vajny
Bolšaść ekśpiertaŭ sychodziacca ŭ mierkavańni, što raźmiaščeńnie amierykanskaj bazy ŭ Polščy naŭrad ci nablizić vialikuju vajnu ŭ Jeŭropie — hetaha nie chočuć ni ZŠA, ni jeŭrapiejcy, ni tym bolš Rasija, ale takim krokam amierykancy mohuć uzmacnić kantrol nad Jeŭrapiejskim sajuzam.
Adnačasova stvareńnie amierykanskaj bazy ŭ Polščy moža padarvać adzinstva NATA. Jość imaviernaść taho, što inšyja členy aljansu taksama zapatrabujuć budaŭnictva amierykanskich baz na svajoj terytoryi.
***
Pra vajennuju pahrozu dla Biełarusi
Što da Biełarusi, to luboje raźmiaščeńnie zamiežnych vojskaŭ na sumiežnych terytoryjach tak ci inakš usprymajecca ŭ jakaści krynicy vajennaj pahrozy dla našaj dziaržavy, heta značyć źjaŭlajecca faktaram abo sukupnaściu faktaraŭ, jakija pry peŭnych umovach mohuć pryvieści da narastańnia vajennaj niebiaśpieki da ŭzroŭniu vajennaj pahrozy, jak heta vyznačana ŭ Vajennaj daktrynie Biełarusi.
U suviazi z hetym zajavy našych polskich susiedziaŭ my ŭsprymajem surjozna, bo heta moža aktyvizavać dalejšy rost napružanaści pa linii Zachad-Uschod. Vidavočna i toje, što takija kroki nie sadziejničajuć umacavańniu mižnarodnaj i rehijanalnaj biaśpieki i stabilnaści.
***
Navošta Polščy vajskovaja baza
Što tyčycca pieraśledujemych metaŭ, to, na moj pohlad, namiery vajenna-palityčnaha kiraŭnictva Polščy prahmatyčnyja i ŭmoŭna źviazanyja z zabieśpiačeńniem nacyjanalnaj biaśpieki. Havorka idzie chutčej pra atrymańni realnaj vyhady ŭ palitycy i ekanomicy.
Pa-pieršaje, najaŭnaść tak zvanaj amierykanskaj bazy dazvolić Polščy spahaniać z ZŠA arendnuju płatu za vykarystańnie ziamiel i infrastruktury na svajoj terytoryi.
Pa-druhoje, heta dadatkovyja vysokaapłatnyja pracoŭnyja miescy dla šerahovych palakaŭ, bo funkcyi absłuhoŭvańnia niepaźbiežna buduć vykonvać mienavita jany.
Pa-treciaje, atrymańnie dadatkovych prefierencyj u struktury błoka NATA pry biezumoŭnaj padtrymcy ZŠA jak viadučaj dziaržavy aljansu.
I pa-čaćviortaje, demanstracyja viadučym krainam Jeŭropy svajoj niezaležnaści ŭ źniešniaj palitycy i narastajučaha značeńnia Polščy ŭ ramkach Jeŭrasajuza.
Takim čynam, raździmańnie ŭjaŭnaj rasijskaj vajennaj pahrozy — nie što inšaje, jak padstava dla realizacyi svaich płanaŭ.
